Cavaliers lestin loksins farin að rúlla

Cleveland hafa unnið síðustu 3 leiki og þar af einn gegn austurdeildar meisturunum Orlando Magic.  Strategía Mike Brown, að dömpa boltanum inn í teiginn og láta Shaq bakka Howard inn í von um að fá villu á hann, gekk algerlega upp.  Dæmdar voru tvær villur mjög snögglega og Howard settur á bekkinn fljótlega.  Villurnar (eða alla vega önnur þeirra) voru af fáránlegri gerðinni að mínu mati, lítil snerting og augljóslega ætlað til að setja tóninn fyrir leikinn.  Fjarvera Howards í teignum og sjóðandi heitur Mo Williams dugðu Cavs til að ná 15 stiga forystu fyrir hálfleik, og krúsa rólega til sigurs. 

Vince Carter seigur hjá Magic með 29 stig en villuvandræði Howard snemma í leiknum hafa augljóslega sett hann verulega út af laginu, með aðeins 11 stig og aðeins 3 skottilraunir í leiknum.  James í sínu venjulega bulli með 36 stig og Mo Williams með 28 og 4/5 í þristum.

Þvínæst rúlluðu Cavs yfir til Miami til að vinna Heat liðið eftir jafnan leik, þar sem Dwyane Wade smettaði Anderson Varejao svo svakalega að ég man ekki eftir öðru eins.  Tróð í grímuna á honum þar sem Flopsy reyndir eins og hann gat að blokka hann en endaði á rassgatinu með hausinn í undirstöður körfunnar.  Tilþrif ársins so far... það er á tæru.  Bron með 34, Mo-Will enn og aftur sjóðheitur með 25 stig (10/15 þar af 5/7 í þristum).  Wade með 36 og Beasley 24.

James hafði betur gegn Wade í Miami