Annað stórliðið sem fellur fyrir Chicago Bulls

Undanfarin ár hefur það nú ekki verið oft sem maður getur stært sig á góðu gengi minna manna.  Nú hins vegar hafa þeir byrjað tímabilið nokkuð vel með 3 sigrum í fyrstu 5 leikjunum.  Þar af eru sigrar gegn San Antonio og nú síðast gegn Cleveland sem bæði eiga að heita Championship Contenders.  Jöfn stigaskorun hjá Bulls en Deng leiddi með 15 stig.  Rose með 14 og 11 stoðir.  James í sínu venjulega bulli með 25 stig, 6 stoðir og 7 fráköst.  Shaq hægt og rólega að komast inn í leik liðsins með 14 stig, 10 fráköst og 5 blokk.  Varejao er augljóslega að njóta góðs af komu Shaq í liðið og fær meira svigrúm til að athafna sig þegar stóri kallinn fær á sig tvídekkun. Setti niður 12 stig og tók 13 fráköst.

Bulls náðu með sigrinum toppsætinu í Central riðlinum fyrir ofan Cleveland og eiga inni einn leik.

Chicago sigraði í Cleveland