Winner's Mentality

Árangur Stjörnunnar í úrvalsdeild er gott dæmi um áhrif þess að fá sannan sigurvegara sem þjálfara hjá ungu lið.  Árangur Teits með liðið í deildinni í fyrra var ekki miklum mun betri en Braga, með 5 sigra í 12 leikjum en Bragi með 4/10.  Það sem ber hins vegar af er árangur hans með liðið í bikarkeppninni í fyrra sem skilaði þeim fyrsta bikartitli félagsins frá byrjun.  Öruggur sigur á Fjölni í gær og sigur á Íslandsmeisturum KR í meistarakeppninni gefa vonandi vísbendingu um áframhaldið.

Teitur var óumdeilanlega einn af albestu körfuboltaleikmönnum landsins á tíunda áratugnum.  Hann er einnig gott dæmi um leikmann sem náði alltaf lengra en aðrir á viljastyrknum og keppnisskapinu.  Sem þjálfari er hann augljóslega með mjög smitandi "winner's mentality" sem leikmenn liðsins hafa greinilega sogað til sín.  Árangur sem leikmaður í íþróttinni er ekki sjálfkrafa ávísun á árangur sem þjálfari, en á mínum "ferli" hef ég hitt ákaflega fáa þjálfara sem búa yfir þessu hugarfari og geta skilað því til leikmanna sinna.

Teitur: Þurfum að gera betur gegn Keflavík