Cleveland fær gálgafrest

Cleveland Cavaliers vs. Orlando Magic 112-102 (2-3) 

Cavs mættu reiðubúnir til leiks og hreinlega völtuðu yfir Magic í fyrsta hluta, 35-18 en gáfu svo undan í öðrum og Orlando náði að minnka muninn niður í 1 stig fyrir hálfleik.  Þvílíkar sveiflur í þessum leik, en Cavs náðu að halda þetta út og tryggja sér áframhaldandi líf í úrslitakeppninni.

Það sem gerði gæfumuninn fyrir Cavs var að aukaleikararnir mættu auk LeBron James reiðubúnir til að bíta frá sér.  Munaði þá helst um Mo Williams (24 stig) sem skaut 7/14 og þar af 6/9 í þriggja stiga.  Allir að setja niður mikilvæg skot en liðið hitti á milli 80-90% megnið af fyrsta hluta.  Bekkurinn einnig til hjálpar með Daniel Gibson í broddi fylkingar með 11 stig.  Frábær leikur hjá LeBron James með þrefalda tvennu eða 37 stig, 14 fráköst og 12 stoðsendingar.  Skoraði 17 í fjórða hluta og átti stoðsendingar sem skiluðu 12 öðrum stigum í sama leikhluta.

Hjá Orlando var það einna helst Turkoglu sem var hvað beittastur með 29 stig með 10/18 í skotum.  Pietrus var einnig mjög góður á báðum endum vallarins.  Setti niður mikilvægar körfur og hékk í James eins vel og hægt var.  Alston ætlaði að endurtaka flugeldasýninguna úr síðasta leik en hlóð hins vegar múrsteinum í heilan vegg í staðinn, 1/10 og þar af 1/7 neðan úr bæ.

Cavs komust í gegnum þessa hindrun og ef þessi leikur var sá mikilvægast á ferli LeBron James þá hlýtur sá næsti í Orlando að vera sá allra mikilvægasti.  Cavs eiga ekki gott record í Orlando en voru þó tæpir að stela sigri í leik 4.  Það er allt hægt.  LeBron verður bara að girða vel ofan í brók og vinna enn og aftur til að halda þeim á lífi í keppninni og bara vona að restin af liðinu mæti með honum til Orlando.

LeBron James fór á kostum gegn Orlando

Athugasemdir

[Grétar (IP-tala skráð) 29.5.2009 kl. 09:06]

Er ekki aðeins of mikið að kalla þetta gálgafrest?

[Grétar (IP-tala skráð) 29.5.2009 kl. 09:10]

Samt er mikið að þessu Cleveland liði! Halda að þegar þeir ná 10+ forskoti sé leikurinn dauður!

[Grétar (IP-tala skráð) 29.5.2009 kl. 09:12]

Hei, er þetta eins og í tuðrusparkinu, fær Howard bann fyrir að reyna að elbowa Wally Szerbiak?  Þó hann hafi ekki náð því er ásetningurinn augljós.

[Grétar (IP-tala skráð) 29.5.2009 kl. 09:17]

Hvað sagði ég, hann gæti sett 50+ niður eða fengið triple double...

[Emmcee, 29.5.2009 kl. 10:12]

Cleveland voru nú komnir með hausinn í snöruna og hélt ég í hálfleik að myndu detta út.  Héldu sem betur fer haus í seinni hálfleik með myndarlegu framlagi frá King James.

Þeir setja alltaf bara í krús kontról og ætla að rúlla í mark.  Þetta mun aldrei ganga í Orlando.  Þeir verða að vera á fullri inngjöf allan tímann þar.

Ég skil ekki af hverju Dwight Howard er að sveifla olnbogunum þegar hann er tæpur á banni bara með uppsöfnuðum tæknivillum.  Hann er búinn að fá bann nú þegar í fyrstu umferðinni fyrir olnboga.  Hvað þá að olla Wally Szczerbiak af öllum?!  Howard er oft á tíðum ekkert sérlega skynsamur leikmaður.