Toppliðin komin á flug

Cleveland Cavaliers vs. Detoit Pistons 94-82 (2-0)

Cavs urðu kærulausir í þessum leik og ákváðu að hvíla King James aðeins of snemma.  Í upphafi fjórða hluta var James sestur á bekkinn og kominn í upphitunargallan þegar bekkurinn hjá Pistons fór að saxa á 29 stiga forskot Cleveland.  James hoppaði aftur inn á til að koma reglu á hlutina og náðu að landa öruggum sigri, en sleppa með skrekkinn.  James er augljóslega of mikið fyrir Detroit vörnina og virtist hann geta hrist af sér hvaða tilraunir Detoit manna til að dekka hann.  Sést best í myndbandinu á ca. 0:50 hvað þetta kvikindi er ómannlegt þegar hann keyrir inn í teiginn og 3 Pistons menn stökkva á hann en hrynja jafnóðum í gólfið.

Los Angeles Lakers vs. Utah Jazz 119-109 (2-0)

Lakers ekki í sýnilegum vandræðum með Jazz, þó þeir virtust ekki geta hrist þá algerlega af sér.  Utah læddust alltaf aftur inn í leikinn og náðu oft að halda leiknum jöfnum en þá stappaði Kobe þá aftur í svaðið.  Ariza að stíga upp enn og aftur, 3/3 í þristum og 9 stoðsendingar.

Portland Trail Blazers vs. Houston Rockets 107-103 (1-1)

Houston urðu fyrir miklu áfalli snemma í fyrsta hluta þegar Dikembe Mutombo hrundi í gólfið eftir samstuð við Greg Oden og borinn af leikvelli.  Mutombo sagði síðan eftir leikinn að ferillinn væri á enda.  Ekki gott fyrir Houston þar sem Mutombo gat gefið Yao Ming mikilvæga hvíld.  Það verður forvitnilegt að sjá hver áhrifin af þessu verða á Rockets liðið.  Brandon Roy var í ruglinu með 42 stig (15/27).  Hvernig fer annars Greg Oden að því að fá 6 villur á 11 mínútum?!

Lakers og Cleveland með vænlega stöðu