Snilldaríþrótt sem körfuboltinn er

Frábær leikur í kvöld og mikil skemmtun frá upphafi til enda.  Allt annað að sjá til KR-liðsins og þeir loks farnir að spila aftur eftir getu.  Benni og restin af liðinu ákvæðu greinilega að svara vangaveltum mínum um hvort hann væri að höndla pressuna þegar á reynir.  KR spiluðu mjög agaðan og skynsaman bolta í kvöld og þá sér í lagi í lok leiks þar sem þeir nýttu klukkuna gífurlega vel til að halda forystunni.  Í upphafi 3. hluta voru KR-ingar komnir 7 stigum yfir þegar PAxel dettur í bullið og setur einhver 5 eða 6 stig í röð til að nánast jafna leikinn.  KR-ingar ná svo aftur að síga framúr eftir skipanir frá Benna um að vera ekki að krúsa í rólegheitunum þegar þægileg forysta næst heldur keyra á fullu og sækja á þá.

Bradford ekki í sama ham og hann hefur verið undanfarið, aðeins með 14 stig.  Blokkaði þó Helga Magg tvisvar í röð, nákvæmlega eins.  Brenton átti spretti en var ekki að sýna sama öryggi og undanfarið.  PAxel fór fyrir sínum mönnum með 18 stig og svakalega nýtingu, þrátt fyrir að vera á öðrum fæti nánast. 

Jason öflugur hjá KR, en Fannar lagði grunninn að þessum sigri með sínum 20 stigum og 13 fráköstum.  Þristarnir voru ekki að detta hjá KR liðinu en menn voru að slasha að körfunni og þannig opnaðist mikið fyrir Fannar. 

Þetta er galopin sería núna og ljóst að hvort liðið sem er getur unnið þetta á mánudaginn.  Heimavöllurinn virðist ekki skipta öllu máli milli þessarra liða og því veltur þetta á því hver kemur betur undirbúinn og ekki síst tilbúinn til leiks.

KR tryggði sér oddaleik gegn Grindavík