Kobe The Facilitator

Einn NBA spekingurinn sagði við mig um daginn að fátt gæti stöðvað Lakers liðið þegar það spilar eins og það hefur núna gert í úrslitum vestursins.  Það er nokkuð til í því en fyrir mér birtist þetta þannig að ef Kobe Bryant heldur áfram að spila eins og hann hefur gert í þessum tveim leikjum sem búnir eru af þessari seríu, er ekkert sem getur stöðvað Lakers liðið.

40 stiga skothríð í fyrri leiknum og nú síðast í gær, hógvært 21 stig en mikilvægar 13 stoðsendingar.  Kobe leikstýrði liðinu nánast í gegnum hverja og einastu sókn á meðan hann var inn á vellinum og var iðinn við að finna opna menn þegar tvídekkanir nálguðust.  Jú, Lakers voru að hitta eins og rottur (9/16 fyrir utan og 45/78 total) og erfitt að fást við lið almennt í svona ham en skotin sem þeir voru að fá voru nánast alltaf galopin og það vegna þess að Kobe var að finna skytturnar í góðum færum.  Gasol blómstraði einnig í þessu óvænta örlæti Kobe Bryant í gær, með 29 stig. 

Phoenix Suns hafa ekki spilað góða liðsvörn í þessum leikjum og vissulega má því um kenna árangur Kobe Bryant í þeim.  Þeir geta jafnvel ekki varist sjálfir því leikkerfi sem hefur hvað heppnast best fyrir þá sjálfa í þessari úrslitakeppni.  Sagt er að best sé að spila physical vörn á Kobe og gefa honum sem minnst pláss en ég hef ekki enn séð leikmann sem gæti komið því í verk í heilar 35-48 mínútur.  Þegar á botninn er hvolft held ég að Kobe sjálfur hafi hvað mest áhrif á það hvort varnarmaður hans geti dekkað hann eða ekki.

Athugasemdir

[Ómar Ingi, 22.5.2010 kl. 02:19]

Hvert fer Leibbi J ?

[President (IP-tala skráð) 22.5.2010 kl. 20:36]

Tjékk it

http://www.youtube.com/watch?v=zBULOoSkksc&feature=player_embedded