Orlando Magic þurfa að pappíra sig

Austurdeildin virðist ætla verða óttaleg froða, að undanskyldu Boston Celtics liðinu það sem af er þessari úrslitakeppni.  Eyði nú ekki orðum í Charlotte, Atlanta og Miami, en LeBron James og liðið með besta recordið í deildinni skitu upp á bak gegn Boston í annarri umferðinni (hver sem ástæðan er) og nú eru Orlando Magic, næst besta liðið í deildarkeppninni komið í djúpa 0-2 holu gegn Boston.  Celtics tókst á kippa Dwight Howard allsvakalega úr sambandi í leik 1 en í leik 2 mætti annar Superman til leiks en kellingin Carter skeit á sig á línunni og Redick brann yfir í lokin og gleymdi að taka leikhlé eftir gríðarlega mikilvægt frákast. 

Margir hafa drullað yfir sóknarleik Dwight Howard eftir fyrsta leikinn gegn Celtics. Hann er enginn Hakeem eða býr ekki yfir jafnmiklum styrk og Shaq gerði á sínum tíma, en það er engum blöðum um það að fletta að drengurinn getur verið helv. öflugur í sókn þegar það er uppi á honum sá bragurinn.  Snillingarnir hjá Hardwood Paroxysm ræða muninn á hræinu sem spilaði í búning nr. 12 í fyrsta leiknum og D12 sem mætti til leiks í þeim seinni.