20 mínútna körfubolti

Hvenær í ósköpunum ætlar liðið mitt, Íþróttafélag Reykjavíkur að átta sig á því að körfuboltaleikur spannar 40 mínútur af leiktíma?!  Þetta er því miður vandamál sem plagað hefur liðið í mörg ár.  Leikinn er körfubolti í 2x10 mínútur, farið inn í hálfleik og menn mæta svo ekki inn á völlinn eftir það.

Þetta var nákvæmlega meinið í leik ÍR gegn KR í gærkvöldi.  Menn mættu þokkalega sprækir í fyrri hálfleik, þó mér hafi fundist þeir leika undir getu.  Menn fóru í hálfleik 6 stigum undir, og leikurinn enn opinn.  Því næst mæta menn algjörlega sofandi út á völlinn, sáttir við að klára hálfan leik með litlum mun og ákveða að pakka bara saman og kveðja.  KR gersamlega niðurlægði ÍR-inga á sem verstan hátt.  Troðslur hægri vinstri, yfir hausa og í andlit.  Leikmenn ÍR báru endalausa og óverðskuldaða virðingu fyrir andstæðingum sínum.  Ekki var sú virðing endurgoldin því KR óð yfir heimaliðið á skítugum skónum.  Dómgæslan var samt skelfileg í þessum leik og jafn reyndum dómurum og flautuðu þennan leik ekki til sóma.  Það er hins vegar engan veginn afsökun fyrir skelfilegum leik ÍR liðsins í seinni hálfleik þessa leiks.

Kamán gæs... rífa þetta helvíti upp hérna fyrir vorið.

P.s. ég skora á Sport TV að taka hælæts úr þessum leikjum sem þeir senda beint út, þá á ég við jafnvel samantekt eins og NBA.com gerir og t.d. flottustu tilþrifin, og skelli þeim á YouTube.  Það er allt of oft sem frábær tilþrif í IE deildinni verða að engu vegna þess að þau voru ekki fest á myndband og fá því enga dreifingu.

Mynd:  Karfan.is

KR burstaði ÍR 103:76

Athugasemdir

[Dóri (IP-tala skráð) 16.1.2010 kl. 15:17]

Það er nauðsynlegt að fá klippur úr þessum leik. Man ekki eftir körfuboltaleik á Íslandi þar sem jafn margar troðslur hafa sést.

Jón Orri með 4 alvöru-trölla-miðherja-troðslur. Semaj með 3 troðslur, þar af eina yfir hálft ÍR-liðið og að lokum 16 ára gutti, Kristófer Acox sem tróð með tilþrifum á lokamínútu leiksins.

[Grétar (IP-tala skráð) 16.1.2010 kl. 15:51]

einmitt, kreiva klippur úr þessu

[Ómar Ingi, 16.1.2010 kl. 17:25]