Boston sleppa með skrekkinn

Boston Celtics vs. Chicago Bulls 109-99 (4-3) 

Ekki var það fallegur bolti sem boðið var upp á í þessum oddaleik í einni skemmtilegustu seríu NBA sögunnar.  Bæði lið spiluðu hálfdapran bolta þó Bulls hafi verið ívið slappari.  Byrjuðu af krafti en þessi kafli þarna í öðrum leikhluta var bara það sem gerði útslagið.  22-2 minnir mig að það hafi verið.  Náðu svo að klifra sig upp eitthvað í síðari hálfleik en mistökin og bullið í bæði sókn og vörn gerðu út um þetta.  Það er náttla alveg banvænt að koma Boston í bónus svona snemma í fjórða hluta og svo mátti ekki anda á Pierce án þess að hann fengi tvær tilraunir á línunni.  Þristurinn frá Eddie House í lokin var einfaldlega ólöglegur, ekkert flóknara þar sem hann tók nokkur James Brown dansspor áður en hann tók skotið.

Það voru Glen Davis og Kendrick Perkins sem unnu þennan leik fyrir Boston.  Illviðráðanlegir í teignum og oft eins og Bulls gleymdu eða nenntu ekki að dekka þá.  Þessi innkoma frá steikinni nr. 50 var hrikalega mikilvæg.  Hjá Bulls fannst mér enginn skara framúr.  Rose byrjaði sterkt, setti djömpera út um allt og var virkur í sókninni, en týndist svo alltaf reglulega.  Gordon sjóðheitur í byrjun en sótti tæplega helming sinna stig af línunni.  Mér fannst Hinrich standa sig einna best í Chicago liðinu.  Kom sterkur inn af bekknum með baráttu á báðum endum vallarins og setti niður mikilvæg skot.

Það voru þó nokkrir jákvæðir punktar í þessum leik, eins og að sjá Brad Miller og Joakim Noah berja Rajon Rondo í gólfið.  Sá var búinn að vinna fyrir því.  Rondo líka duglegur að liggja í gólfinu og gráta smá til að fá samúð hjá dómurunum.

Það er vonandi einhver framtíð í þessu Bulls-liði.  Það vantar reynslu, aðeins betri varamenn og annan þjálfara að mínu mati.  Boston hins vegar verða að taka höfuðið úr rassgatinu og byrja að spila eins og ríkjandi meistarar.  Orlando er miklu betra lið en Chicago og mun refsa þeim miklu verr ef þeir halda áfram uppteknum hætti.  Kendrick Perkins og Glen Davis fá alla vega ekki eins mikið svigrum í teignum eins og í þessari seríu og því verður pressan á Pierce og Allen.

Athugasemdir

[Arnór (IP-tala skráð) 3.5.2009 kl. 04:05]

Mikið andskoti er þetta Boston lið hrokafullt og drulluleiðinlegt, menn eins og KG og Eddie House alveg að gera mig brjálaðan úr leiðindum, hroka og stælum.

[Krissi (IP-tala skráð) 3.5.2009 kl. 10:32]

Miðað við hvað Bulls voru lélegir í gær er nú bara ótrúlegt að Celtics hafi aldrei náð að stinga þá af, bæði lið hálfdöpur eins og réttilega er bent á.  Bulls vantar klárlega styrk inní teignum, þurfa að vinna í því fyrir næsta tímabil. Sammála fyrri ræðumanni með leiðindi Boston liðsins og enginn leiðinlegri en yfir klappstýran KG. Þarf einhver að taka sig til og bitch slappa það kvikindi!

[Jason Orri (IP-tala skráð) 3.5.2009 kl. 13:02]

KG var ekkert að rífa kjaft í 6 leik liðanna þegar þeir töpuðu en núna þegar þeir unnu þá stendur hann upp og gargar á Bulls liðið og Eddie House ekkert skárri.

Emmcee, Vinny Del Negro er nýr hjá Bulls svo hann á eftir að verða betri eins og Derrick Rose. Rose var ástæðan að Bulls tapaði, alltof mikið að reyna einhvað sem hann hafði aldrei gert. 41 tapaður bolti er ótrúlegt, hvað er hann að hugsa. Hann fer sko niður í 100 sæti hjá mér á vinsælasta listanum.