Óvænt úrslit í mest hæpaða leik tímabilsins

Ég í það minnsta bjóst við spennandi leik milli þessarra liða þó mér hafi verið slétt sama um úrslit hans en Lakers menn brugðust áhangendum sínum heldur betur þetta kvöld og áhorfendur lágu ekki á skoðun sinni í Staples Center.  15 stiga tap Lakers manna á þeirra eigin heimavelli var hins vegar alls ekki það sem ég bjóst við.  Leikmenn Lakers fjarri sínum besta leik með 36,5% skotnýtingu og meira að segja Pau Gasol sem er með vel yfir 50% nýtingu á ferlinum hitti aðeins úr 4/11.  35 stig Kobe Bryant segja ekki mikið um frammistöðu hans þar sem hann þurfti 32 skot til að ná þeim og setti aðeins niður 11.  Var þó 12/12 í vítum og var einu frákasti og tveim stoðsendingum frá þrennu.

Cavs hins vegar algerlega logandi með yfir 54% skota sinna niður, þar sem Mo Williams leiddi lestina með 28 stig og 7 stoðsendingar, 8/13 utan að velli og þar af 3/3 utan þriggja.  LeBron James var mjög einbeittur og átti einnig fínan leik þar sem hann lék sér að Ron Artest í sókninni en tapaði þó sjö boltum. 

Gestir Staples Center fóru að henda inn frauðfingrum, sem gefnir höfðu verið fyrir leikinn, inn á völlinn ásam fleira rusli til að lýsa óánægju sinni með frammistöðu liðsins og eflaust dómgæsluna líka.

Sætur sigur fyrir Shaq þar sem hann var að spila aftur á sínum gamla heimavelli þar sem hann vann þrjá titla auk þess em hann hafði lofað fyrir tímabilið að hann væri kominn til Cleveland til að "færa kónginum hring" og þar að auki fært sitt innlegg í "basketball IQ" umræðuna. 

Síðastliðið sumar biðu eflaust margir eftir að þessi lið myndu mætast í úrslitum deildarinnar þar til Orlando Magic stálu senunni gegn Cavs í úrslitum austursins og mættu svo Lakers í úrslitum.  Cavs lestin virðist vera komin af stað þrátt fyrir eitthvað hikst í byrjun og haldi þeir áfram að spila eins og þeir gerðu í gær kæmi mér ekki á óvart að þessi lið endi gegn hvort öðru í úrslitunum næsta sumar, og ef Lakers spila eins og þeir gerðu í gær þá kæmi mér heldur ekki á óvart að Cavs vinni þá seríu.  Lakers eiga hins vegar enn eftir að spila gegn Boston og Orlando á þessu tímabili auk þess sem tímabilið er bara rétt tæplega hálfnað og því allt of snemmt að vera með slíka spádóma.

Cleveland lék Lakers grátt

Athugasemdir

[Johnny X (IP-tala skráð) 26.12.2009 kl. 13:40]

Þeir áttu aldrei séns, Kobe pirraður og leiðinlegur, og Lebron var bara hógvær og gaf minni spámönnum sviðsljósið, Lebron for MVP

[Jason Orri (IP-tala skráð) 26.12.2009 kl. 14:25]

Kobe var blokkaður 6 sinnum í leiknum og átti mjög lítin séns á að dræfa að körfunni og skora. Og þrátt fyrir að Lakers hafi gert double-Team á alla sem fengu boltan þá náðu Cavs menn að skora og skora