Denver sleppa með skrekkinn í Chicago

Litlu munaði að þriðja stórlið deildarinn félli fyrir Chicago Bulls.  Denver sluppu með skrekkinn þar sem Billups og félagar tóku sjensinn með því að klikka viljandi á seinna vítaskotinu í stöðunni 90-89 með 0,6 sekúndur eftir.  Væntanlega með það í hyggju að koma klukkunni í gang og draga úr möguleikum Bulls á að koma af skoti í næstu sókn.  Bulls ná að taka leikhlé og halda 0,3 sekúndum á klukkunni.  Brad Miller fær boltann í hendurnar og hendir upp skoti sem dettur niður en dæmt af eftir mikla endurskoðun.  Tæpara mátti það ekki vera því boltinn er á fingurgómum Miller þegar flautan gellur.

Slakur leikur hjá Nuggets sem Bulls nýttu sér til fulls.  Frábær leikur hjá Joakim Noah með 12 stig og 21 frákast.  Rose með 22 stig, 5 stoðir og 2 blokk - þar af eitt sem hefði engan veginn átt að dæma honum í hag þar sem Billups var búinn að koma boltanum í spjaldið.