Jennings sannar sig og Deng fer á kostum

Svo virðist sem árið hans Brandon Jennings í Evrópu hafi skilað sér og bætt hann töluvert sem leikmann því drengurinn hefur farið hamförum undanfarið í leikjum Milwaukee Bucks.  24 stig gegn Detroit, 17 stig, 9 fráköst og 9 stoðsendingar gegn Philly og nú 25 stig gegn Chicago Bulls.  Hann er að skjóta um 48% í tvistum og 50% þristum.  Persónulega er ég hrifnari af leikstjórnendum sem eru meira fyrir að stýra leik liðsins frekar en skjóta boltanum stanslaust, en með Michael Redd meiddann og miðað við gæði annarra leikmann Bucks þá skil ég svosem skotgleði stráksins (23 skot í þessum leik eða skot á hverri 1,5 mínútu).

Loul Deng hins vegar hefur verið að reyna að fylla í skarðið sem Ben Gordon skildi eftir sig.  17,8 stig og 10,5 fráköst í þeim þrem leikjum sem Chicago hafa spilað, og nú 24 stig og 20 fráköst gegn Bucks. 

Gat nú verið að Rick Kamla og steikurnar hjá NBA-TV froðufelli yfir Jennings en rétt minnast á stórleik Deng í lokin.  Frábær vörn hjá Rose á Jennings þarna í lokin, bæðevei.