Er Iverson lausnin fyrir Memphis Grizzlies?

 

Allen Iverson samdi nýverið við Memphis Grizzlies um eitt ár og 3,5 milljónir dollara.  Lengi vel hélt voru sögusagnir um það að AI hefði samið við Charlotte Bobcats, sem ég hélt fram að hefði verið betri kostur fyrir hann sjálfan.  Memphis buðu betur og AI ákveðið að fylgja buddunni í þessu efni.

Sjálfur álít ég þetta fyrirkomulag vera rangt fyrir báða aðila og eru nokkrar ástæður fyrir því.  Iverson hefur getið af sér það orðspor að vera sinn eiginn herra og ekki mikið fyrir að fylgja reglum og fyrirkomulagi annarra.  Aðeins einn þjálfari hefur náð almennilega til hans eftir því sem ég best veit og það er Larry Brown þegar hann þjálfaði Sixers, en saman komu þeir Sixers í NBA úrslitin gegn Lakers 2001.  Honum hefur gengið illa að takast á við það að spila aukahlutverk í liði, líkt og hann var farinn að gera í Sixers á sínum tíma (með Iguodala í aðalhlutverki) og einnig í Nuggets (gegn Carmelo Anthony) svo ekki sé talað um hlutskipti hans í Detroit í fyrra.

Iverson hefur gefið það út að hann sé breyttur maður og þetta off-season hafi vakið hann til lífsins, þar sem erfitt var fyrir hann að finna álitleg tilboð frá góðum liðum.  Sé allt þetta rétt og AI orðinn teamplayer allt í einu, hafa Grizzlies fundið gullmola í moldinni.  Takist Iverson að skilja það að hjá Grizzlies verður hann að vera í aukahlutverki og sjá til þess að hinum ungu leikmönnum liðsins, OJ Mayo, Rudy Gay og Hasheem Thabeet takist að blómstra.  Iverson býr yfir mikilli reynslu og þekkingu á leiknum og geta þessir ungu leikmenn lært mikið af honum sé hann tilbúinn til að kenna.  Hins vegar ef "gamli góði" Iverson mætir til leiks í vetur, heimtandi boltann í stað þess að dreifa honum, er allt útlit fyrir að Grizzlies hafi keypt köttinn í sekknum.

Chris Wallace framkvæmdastjóri Memphis Grizzlies hefur heldur betur leikið sér að eldinum í sumar.  Sótti Zach Randolph til LA Clippers í skiptum fyrir Q-Rich, og nú að semja við Allen Iverson.  Takist þessi félagsfræðitilraun hans gæti eitthvað magnað orðið til í herbúðum Memphis manna.  Wallace er annað hvort brjálaður snillingur eða algerlega óhæfur í starfi og hefur ekki hugmynd um hvað hann er að gera.  Sjálfur er ég farinn að hallast að hinu síðarnefnda.  Tveir, nánast löggildir vandræðagemsar innan um ungt og óþroskað talent, sem Grizzlies hafa nú nóg af, er ávísun á fátt annað en vandræði og vitleysu.  Þó tel ég að miða- og treyjusala spili stærra hlutverk í ákvörðunum Wallace en annað, þar sem Grizzlies eru sem svo mörg önnur NBA lið að berjast í bökkum vegna harðnandi aðstæðna í efnahagslífi Bandaríkjanna.

Allen Iverson er hins vegar hér með kjörið tækifæri til að byrja upp á nýtt og sýna að hann geti rifið tiltölulega slakt lið eins og Memphis Grizzlies upp úr meðalmennskunni.  Það verður alla vega verk að vinna fyrir Lionel Hollins, þjálfara liðsins í vetur að halda öllum ánægðum.  Kæmi mér ekki á óvart að sá fengi að fjúka áður en langt er um liðið á tímabilið.

Athugasemdir

[Ómar Ingi, 13.9.2009 kl. 17:10]

Iverson hefði bara átt að semja við götuna en þangað fer hann fyrr en seinna og endar sitt líf.

[? (IP-tala skráð) 13.9.2009 kl. 17:47]

rólegur á að hann hafi verið farinn að spila aukahlutverk með iguodala.. ekki alveg!! hann verður flottur þarna þeir komast í playoffs

[Emmcee, 13.9.2009 kl. 18:03]

Kannski full djúpt í árina tekið... en fyrir mér er það augljóst að samband Sixers og Iverson var brösótt á fyrri hluta 2006-07 tímabilsins og Sixers stefndu að uppbyggingu í kringum Iguodala og sendu AI til Denver.

[Arnar (IP-tala skráð) 14.9.2009 kl. 01:52]

Ég hef ekki mikla trú á þessu hjá Memphis.

Iverson, Z-BO, OJ Mayo, Rudy Gay... saman í liði. Þetta lið gæti sett NBA met fyrir fjölda stoðsendinga. Það er, skort á þeim. Einnig munum við sjá allnokkrar shot clock violations og jafnvel 2-3 Z-BO flautu air balls.

[Grétar (IP-tala skráð) 14.9.2009 kl. 23:16]

Gleymdu þeir kannski að það er bara einn bolti?