15. NBA titill Los Angeles Lakers í höfn

Los Angeles Lakers vs. Orlando Magic 99-86 (4-1) 

Los Angeles Lakers gengu örugglega frá 15. NBA meistaratitli félagsins með sigri á Orlando Magic, 4-1 samtals.  Þessi titill fer þó í sögubækurnar fyrir tvennt aðallega:  Tíundi meistaratitill Phil Jackson sem þjálfari sem setur hann í fyrsta sæti yfir árangur þjálfara í deildinni hvað meistaratitla varðar, en Red Auerbach náði níu.  Kobe Bryant tókst að landa sínum fjórða meistaratitli og þar sem hann var sjálfur í aðalhlutverki en ekki í skugga Shaq.  Bryant var þar að auki valinn besti leikmaður úrslitanna.

Lakers unnu þennan leik sannfærandi og voru klárlega mun betri í þessum leik en Magic sem virtust hreinlega gefast upp í byrjun annars leikhluta, eftir jafnan leik og hleyptu Lakers í 16-0 rönn en þaðan var ekki aftur snúið.  Kobe með 30 stig, 6 fráköst, 5 stoðsendingar, 2 stolna og 4 blokk og eitt Jordanesque múv í lok þriðja hluta (sjá 0:55 í myndbandinu).  Fáránlegt hang-time.

Lakers eru vel að þessum titli komnir þó leið þeirra í úrslitin hafi verið brösótt þá sýndu þeir að þegar í úrslitin var komið var kominn tími til að spila af alvöru.  Ólíkt "besta liði deildarinnar" Cleveland Cavaliers sem valtaði yfir Pistons og Hawks en drulluðu svo algerlega upp á bak þegar þeir mættu Orlando í úrslitum austursins.  Til hamingju Lakers menn á Íslandi því ég veit að þeir eru allnokkrir.

Lakers NBA-meistari

Athugasemdir

[Arnar (IP-tala skráð) 15.6.2009 kl. 14:30]

Til hamingju Lakers og Lakers viftur

Áttu þetta fyllilega skilið og ég var bara ánægður fyrir hönd Kobe að vinna þetta. Hans tími var loks kominn. Svo var ég ánægður að sjá Dwight og félaga halda sér á vellinum í stað þess að storma í burtu í fýlu. Dwight og Jameer sátu á Orlando bekknum og fylgdust með. Flottur kafli í reynslubókina fyrir mitt lið

[Ottó Freyr Aðalsteinsson, 15.6.2009 kl. 15:00]

vill óska lakers til hamingju en bara að taka það fram að gasol er að minu mati mikilvægastur í þessari seríu lamar var einnig góður og kobe átti nokkra góða leiki og aðra ekki jafn góða 11-31 fg . en já hérna sést bara hvað það er mikil munur á east og west rockets var eina liðið sem náði að stríða lakers og denver smá

[President (IP-tala skráð) 15.6.2009 kl. 16:04]

Takk....það er gaman að vera Lakers maður í dag.

Ottó. Kobe átti nokkra góða leiki segir þú.

"Kobe Bryant averaged 32.4 points and 7.4 assists per game against Orlando during the Finals. The only player to match or surpass Bryant's averages in each of those categories in an NBA Finals series was Jerry West, who averaged 37.9 points and 7.4 assists per game for the Lakers in their 1969 Finals loss to the Celtics. "

Hann var með 32 stoðsendingar í fyrstu fjórum leikjunum og næstur á eftir honum var Gasol með 8 stoðsendingar.

Hann átti 4 blokk í  leiknum í gær en Orlando liðið var með 3 blokk(Howard öll).

Gasol og Odom voru vissulega risastór ástæða þess að Lakers vann en ég held það sé nokkuð ljóst að Lakers hefðu ekki gert þetta án Kobe Bryant.

[Ottó Freyr Aðalsteinsson, 15.6.2009 kl. 16:24]

já já er alveg sanmála því en mér fannst hann skjóta of mikið og hawga  boltann of mikið  í  4 leikhluta .leikur 4 þegar hann var 11-31 þá áttu orlando að vinna en tókst að klikka því einhvern vegin en já kobe er frábær körfubolta  en mér fannst gasol vera mikilvægastur í þessari seríu en  þeir hefðu aldrei gert þetta án kobes

[Þráinn Árni Baldvinsson, 15.6.2009 kl. 17:15]

Lakers eru með besta liðið, án nokkurs vafa og vonandi verða þeir enn betri á næsta ári.

Það væri gaman að mæta Lebron í úrslitum 2010, nú eða Celtics. ...vil endilega sjá Lakers slátra Celtics til að hefna fyrir síðustu úrslitarimmu!!!

[Grétar (IP-tala skráð) 15.6.2009 kl. 17:45]

Þráinn, ég held þeir geti ekki haldið bæði Odom og Ariza.

Lebron 2010.  Plís. Svo má Arnar eiga 2011 og allir eru sáttir.  Förum nú að hugsa um leikmannamarkaðinn.

[President (IP-tala skráð) 15.6.2009 kl. 17:56]

Það verður erfitt fyrir Lakers að halda bæði Odom og Ariza en útilokað er það ekki. Margt sem getur spilað þar inní.

Kobe getur hoppað útúr samningnum sínum og tekið á sig launalækkun til að auka rýmið fyrir öðrum samningum.

Ariza og/eða Odom geta ákveðið að taka lægri laun hjá Lakers en þeir geta fengið annars staðar.

Lakers getur trade-að mönnum til að létta af launagreiðslum.

En þetta eru allt spurningar sem er ekkert hægt að svara í dag.Þetta veltur rosalega mikið á leikmönnunum sjálfum og maður getur ekkert áfellst þessa heiðursmenn ef þeir vilja kanna markaðinn því að þeir munu án efa aldrei vera í betri samningsstöðu en einmitt núna eftir frammistöðu þeirra í ár.

Svo ég vitni í Latrell Sprewell: "I´ve got to feed my children"

[Emmcee, 15.6.2009 kl. 18:17]

Jordan tók á sig launalækkun til að manna liðið betur í seinna þrípítinu, ef ég man rétt.  Gott ef það var ekki til að re-signa Scottie Pippen.

[Grétar (IP-tala skráð) 15.6.2009 kl. 18:46]

Ég er ekki geim í annað þrípít hjá Kobe!

[Grétar (IP-tala skráð) 15.6.2009 kl. 19:17]

Annars hlýtur Kobe að taka á sig launalækkun, ef hann verður áfram hjá lakers þar að segja.  Annars er hann slæmur. Skál

[Grétar (IP-tala skráð) 15.6.2009 kl. 20:49]

Leikurinn fór samt ekki 101-96

[Emmcee, 15.6.2009 kl. 21:32]

Nei, mikið rétt.  Áttaði mig á því þegar ég las þetta.  Notaði tölurnar í lokin á myndbandinu.  Kennir manni að treysta ekki á þær.

[Kobe 8 (IP-tala skráð) 15.6.2009 kl. 22:15]

"Jordan tók á sig launalækkun til að manna liðið betur í seinna þrípítinu, ef ég man rétt."

Það er mikið rétt enda var kallinn kominn í 30mills á ári!

Lakers eiga bara að láta Bynum fara og halda bæði Odom og Ariza!!!

[Emmcee, 15.6.2009 kl. 22:18]

30 mills and still underpaid

Ekki hægt að setja verðmiða á þann snilling þegar hann var upp á sitt besta.

[Grétar (IP-tala skráð) 15.6.2009 kl. 22:23]

Jú, það er alveg hægt að setja verðmiða á hann, en á þeim miða myndi standa "Priceless".