Lakers koma sér í þægilega stöðu eftir magnaðan sigur

Los Angeles Lakers vs. Orlando Magic 99-91 (3-1) 

Mögnuð rússíbanareið með miklum sveiflum og framlengingu var það sem þessi viðureign bauð upp á.  12 stigum undir fóru Lakers menn í klefann þar sem Jax hefur beitt einhverjum töfrum.  Mun sprækari Lakers leikmenn náðu að snúa stöðunni í 7 stig sér í hag með Trevor Ariza í farabroddi með 13 stig, en hann hafði verið ískaldur allan fyrri hálfleik.  Eftir miklar sveiflur var staðan orðin 87-84 fyrir Orlando og Howard á línunni.  Howard klúðraði báðum vítaskotunum sem hugsanlega hefðu getað gulltryggt Orlando sigurinn en þess í stað rýkur Fisher upp hægri kantinn og neglir þrist í grímuna á Jameer Nelson til að jafna leikinn.

Liðin héldust jöfn í 4.30 af framlengingunni þar til, hver annar en Fisher - "starfsmaður mánaðarins" eins og Svali kallaði hann - sökkti niður öðrum þrist sem setti af stað 8-0 rönn sem lokaði leiknum fyrir Lakers.  Fisher hafði ekki hafði verið 0/5 í þristum þar til hann setti þennan í lok venjulegs leiktíma.  Þvílíkur nagli.

Kobe með 32 en var alls ekki að hitta vel (11/31), Ariza og Gasol með 16 stig hvor.  Dwight Howard átti fínan leik þrátt fyrir mjög slaka vítanýtingu (6/14) með 16 stig, 21 frákast (11 í fyrsta fjórðung) og 9 blokk.  Howard tapaði einnig 7 boltum í leiknum.  Hedu Turkoglu dró vagninn fyrir Magic í stigaskorun með 25 stig en Pietrus kom einnig seigur af bekknum með 15 stig.  Frakkinn setti hins vegar svartan blett á annars frábæra seríu hjá honum með því að brjóta hættulega illa á Pau Gasol í hraðaupphlaupi og uppskar óíþróttamannslega villu.  Verður forvitnilegt að sjá hvernig deildin tæklar þann dóm.

Magic eru komnir djúpt oní 1-3 holu og verður mjög erfit ef ekki ógerlegt að rífa sig upp úr henni.  Lakers eru hins vegar komnir í væna stöðu, einum sigri frá meistaratitli og sást jafnvel glitta í bros hjá Black Mamba í viðtali eftir leikinn, en hann hefur gefið til kynna á blaðamannafundum að ekkert verði fagnað fyrr en titillinn er kominn í hús.

NBA: Fisher bjargaði Lakers

Athugasemdir

[Grétar (IP-tala skráð) 12.6.2009 kl. 12:47]

Er ekki til and 1 flagrant foul? Gasol náði troðslunni samt.

[Grétar (IP-tala skráð) 12.6.2009 kl. 13:01]

Dómgæslan var nú samt ekkert voða góð í þessum leik.

[Emmcee, 12.6.2009 kl. 13:02]

Jú, hann fékk körfuna og 2 víti.