Kobe stýrir Lakers í úrslitin

Los Angeles Lakers vs. Denver Nuggets 119-92 (4-2) 

Kobe Bryant leiddi Lakers liðið í úrslitin með frábærum leik, 35 stig og 10 stoðsendingar en það sem ekki sést á tölfræðiblaðinu er hugarfarið sem hann sýndi í leiknum og andlegur stuðningur sem hann veitti liðsmönnum sínum.  Ef þetta er Kobe framtíðarinnar þá megum við eiga von nokkrum titlum til Los Angeles á næstunni.  Lakers liðið spilaði sem vel smurð vél og boltinn gekk manna á milli þar til einhver komst í gott færi.  28 stoðsendingar voru skráðar á Lakers liðið og ætti það að gefa góða vísbendingu um stemninguna í liðinu.  Flott fyrir Lakers að klára vestrið með svona leik því hann mun klárlega vekja ótta hjá hinu liðinu sem mætir þeim.

Denver voru alveg úti á túni megnið af leiknum.  Vörnin alveg skelfileg, róteringar í vörninni voru engar, hjálparvörn engin og heimskulega ákvarðanir leikmanna í jafn mikilvægum leik sem þessum.  Hvað varð um þetta Denver lið?  Hvar var liðið sem lamaði sóknir Lakers manna í upphafi seríunnar?  Hvar var áhuginn?  Leikmenn liðsins algerlega saddir og nenntu þessu ekki lengur. 

Lakers menn eru vel að sigrinum komnir og verður forvitnilegt að sjá hvort þeir nái að halda sömu stemningu í úrslitunum sjálfum líkt og í þessum leik.

Lakers í úrslit NBA

Athugasemdir

[Kobe 8 (IP-tala skráð) 30.5.2009 kl. 12:59]

Mjög góður leikur hjá Lakers! Kobe var að spila vel & sama má segja um Ariza/Gasol & Odom! Svo er það bara Orlando eða Cavs!

Ný Kobe/Lebron>>  http://www.youtube.com/watch?v=tDMUs3oc0Ik&feature=channel

Þessi er snilld!!

[Kobe 8 (IP-tala skráð) 30.5.2009 kl. 13:01]

Og þessi>>> http://www.youtube.com/watch?v=S6nOYTkUAkE&feature=channel

Emmcee þær eru allar að koma til!!

[Ómar Ingi, 30.5.2009 kl. 13:20]

Phil Jacksson er búin að ná að ala drenginn upp og leyfir honum annað slagið að vera þjálfarinn líka