Mikilvægi Odom fyrir Lakers er ótvírætt

Los Angeles Lakers vs. Denver Nuggets 103-94 (3-2) 

Það er engum blöðum um það að fletta að Lamar Odom er gríðarlega mikilvægur fyrir Lakers liðið og þegar hann spilar eins og hann gerði í nótt, þá er Lakers liðið til alls líklegt.  Odom kom inn af bekknum og setti 19 stig og reif niður 14 fráköst og ekki nóg með það heldur blokkaði hann 4 skot.  Allt þetta á 32 mínútum.  Candyman getur verið óstöðvandi þegar hann nennir.  Átti nokkur krúsjal plays í fjórða hluta sem lögðu grunninn að þessum sigri.  Á meðan hann var inn á skoruðu Lakers 18 stig umfram Nuggets. 

Jafn leikur framan af þar sem liðin skiptust á forystunni alls níu sinnum og 15 sinnum var jafnt.  Allt þar til í fjórða hluta þar sem Odom fór í gang og Nuggets fóru að klúðra málunum með tæknivillum og vitleysu. 

Ef Odom mætir til Denver með þennan pakka aftur annað kvöld þá er þetta búið hjá Denver.  Ég hins vegar geri ráð fyrir að þetta fari í 7 leiki og Lakers fari áfram.  Þeir eiga enn eftir að sýna í sér tennurnar á útivelli í Denver og klára leiki þar.  Þeir eru hins vegar nánast óstöðvandi á heimavelli.

Lakers þarf einn sigurleik til viðbótar

Athugasemdir

[Magnús (IP-tala skráð) 28.5.2009 kl. 14:08]

Fín umfjöllun hjá þér. Maður er eins og draugur í vinnunni eftir að hafa vakað til að horfa á leikinn en það var vel þess virði. Spennandi að sjá hvort Lakers klári dæmið á föstudag eða hvort Nuggets noti hinn nýfundna karakter hjá sér til að þvinga 7.leikinn.

Mér fannst stór partur af sigri Lakers í nótt vera það hvernig þeir náðu Billups út úr leiknum, bæði með að koma honum í villuvandræði og vörnin hjá Brown á hann sem og aggressívur Fisher. Carmelo fékk því afar takmarkaðan stuðning frá restinni af liðinu sóknarlega. Einnig var áherslan á að keyra meira inn í teig í sókninni sem þýddi fleiri sóknarfráköst, vítaköst og svo villuvandræði á Nene.

En dramatískur og skemmtilegur leikur eins og þeir hafa verið margir í þessum playoffs. Verið alger veisla hingað til, austan sem vestan megin.

[Trautman (IP-tala skráð) 28.5.2009 kl. 16:53]

Ég var helvíti sáttur við innkomuna hjá Brown. Hann var að spila mjög góða vörn gegn Billups og ég held hann hafi varla skorað stig í 4 leikhluta.