Mest hæpaða Finals matchup ever í hættu?

Los Angeles Lakers vs. Denver Nuggets 101-120 (2-2) 

Ég veit ekki hvað það er sem George Karl er að gera með þetta lið, en það er alla vega að virka.  Hann er að fá að ég held nákvæmlega allt það sem mögulegar er hægt að fá út úr þessu liði.  Allir taka þátt og spila sitt hlutverk og allir sáttir við sitt.  Billups er klárlega lykillinn að þessu öllu en það má ekki taka kredit frá þjálfaranum sem augljóslega er að setja liðið hárrétt saman og undirbúa það vel fyrir hvern leik.  Í raun finnst mér einkennilegt að val á þjálfara ársins sé ekki gert eftir úrslitakeppni því eins og sést á Cleveland þá er Mike Brown ekki beint að standa undir nafni þar.  Þessi úrslitakeppni er enn að undirstrika það hvað árangur í deildinni skiptir í raun litlu máli.  Þetta er allt önnur keppni og hér munu aðeins þeir hæfustu lifa af.

Í þessum leik brást aðalvopn liðsins.  Carmelo Anthony með snúinn ökkla og magapest, en fram kom að hann hafði faðmað klósettskálina rétt fyrir leik og var alls ekki hress.  Restin af liðinu tók áskoruninni og sáu um að koma boltanum ofan í körfuna.  Denver liðið skaut í raun 50% ef tölfræði Anthony er tekin úr jöfnunni.  Sjö af leikmönnum Nuggets skoruðu yfir 10 stig og enginn yfir 24 stig, sem er enn einn vottur um góða liðsheild. 

Lakers mjög slakir í þessum leik og áttu í raun aldrei möguleika frá upphafi.  Bynum þó að sýna gamla takta með 14 stig og 5 fráköst og Jordan Farmar einnig með 10 stig á 14 mín.  Ég held að Jax ætti að hvíla Fish aðeins frá byrjunarliðinu og láta Farmar aðeins spreyta sig.  Strákurinn er að skora nánast jafn mikið og Fish, með jafn mikið af stoðsendingum og að skjóta mun betur á miklu færri mínútum.

Eitthvað segir mér að Nike-menn og yfirstjórn NBA deildarinnar sé farin að ókyrrast yfir möguleikunum á því að Kobe og LuBrán mætist í úrslitum.  Þar á bæ er mönnum meira annt um einstaka leikmenn og media hype í kringum úrslitin en nokkurn tímann gæðin á boltanum sem yrði spilaður. 

Denver jafnaði metin gegn Lakers