NBA - Where LeBron James Happens

Cleveland Cavaliers vs. Orlando Magic 96-95 (1-1) 

Ég hef aldrei verið mikið fyrir að líkja hinum og þessum leikmönnum deildarinnar við gamlar stórstjörnur því slíkur samanburður er hreinlega ósanngjarn gagnvart leikmönnunum.  Tíminn líður, íþróttin þróast og samkeppnin verður harðari milli leikmanna.  NBA deildin í dag er allt önnur en hún var fyrir 15-20 árum.  Michael Jordan / LeBron James samanburðurinn er hins vegar alltaf í loftinu og eftir SKOTIÐ í gær hjá James er ekki hægt annað en velta því fyrir sér hvort hér sé ekki kominn réttmætur erfingi krúninnar.

Berum aðeins saman "The Shot" hjá Michael Jordan og svo "The Shot" hjá King James.  Jordan er vel fyrir innan þriggja stiga línuna, eiginlega rétt fyrir utan vítateiginn og í andlitið á þokkalegum varnarmanni.  James hins vegar fær eina sekúndu til að taka skotið yfir frábæran varnarmann og fyrir utan þriggja stiga línuna.  I think we have a winner.

Þvílíkur snillingur sem LeBron James er orðinn og drengurinn á eflaust 10 ár eftir af ferlinum.  En þvílík vandræði sem Cavaliers liðið er komið í.  Þrátt fyrir að James hafi bjargað þeim frá því að fara til Orlando 0-2 undir situr sú staðreynd eftir að þeir eiga í erfiðleikum með að spila 100% bolta í 48 mínutur.  Komast á svaka skrið í fyrri hálfleik en koma svo latir til baka og láta Magic vinna upp 10-20 stiga mun og eru í bullandi vandræðum á lokamínútunum.  Þetta er ekki sama liðið sem hreinlega myrti Detroit og Atlanta.  Það má þó ekki taka það af Orlando liðinu að það er að spila sinn besta bolta þessa dagana.  Skotin eru að falla að utan og vörnin er sterk.  Orlando er að skjóta um 45% í þriggja og verður það að skrifast á vörnina hjá Cavs því Magic menn eru að fá allt of oft opin skot að utan.

Annar þáttur í vandræðum Cleveland er bekkurinn.  Framlag bekkjarins í fyrsta leiknum var 16 stig og 14 í þessum.  Ef LeBron James ætlar að vinna þennan titil þá held ég að hann verði að gera það upp á eigin spýtur með vonandi einhverri aðstoð frá Mo Williams, sem er enn að leita að skotinu sínu (7/21 í þessum leik).

LeBron James skoraði ótrúlega sigurkörfu

Athugasemdir

[Ómar Ingi, 23.5.2009 kl. 12:42]

Ef LeBron James ætlar að vinna þennan titil þá held ég að hann verði að gera það upp á eigin spýtur

Þá bara gerir hann það Emmi

Ástæðan fyrir velgengni Magic er auðvitað Patrick Ewing

[Emmcee, 23.5.2009 kl. 12:57]

Það getur enginn unnið NBA titil upp á eigin spýtur.  Spurðu bara Kobe Bryant eftir úrslitin í fyrra, en hann hélt að hann þyrfti nú ekki mikið á Shaq að halda til að fara alla leið.  Michael Jordan gat það ekki einu sinni.  Þetta er liðsíþrótt og framúrskarandi einstaklingar vinna ekki titla nema með góðu bakköppi.

Kannski eru Cavs bara ekki tilbúnir í þetta.  Magic eru að spila frábæran bolta og hafa greinilega verið að spila langt undir getu í fyrstu tveim umferðunum.  "You're all just witnesses" ræðan hjá Van Gundy hefur virkað svona svakalega!

[Jason Orri (IP-tala skráð) 23.5.2009 kl. 12:58]

LeBron og félagar verða að herða sig ef þeir ætla að vinna þetta. En ég hef spáð því að Orlando komist áfram eins og ég spáði að Orlando kæmist áfram gegn Boston og það var rétt hjá mér. Patrick Ewing hann segir bara við þá "ef þið vinnið þá fáiði tvo snickers bakka en ef þið tapið þá fáið þið bara hálfan"

[Grétar (IP-tala skráð) 23.5.2009 kl. 13:24]

Þeir þurfa að nota Pavlovic meira.  Ef að James fer að fá meiri hjálp í þessari seríu held ég að Orlando eigi ekki möguleika.  Williams, West og Ilgauskas þurfa að herða sig.

[Grétar (IP-tala skráð) 23.5.2009 kl. 13:27]

Næstu tveir leikir verða samt decisive. 3-1 ( sama fyrir hvorum ) þá er serían svo gott sem búin. 2-2, þá held ég að Cavs taki þetta.

[Emmcee, 23.5.2009 kl. 13:29]

Ég hef það á tilfinningunni að þessi sería eigi eftir að fara í sögubækurnar.  Það gerist eitthvað stórkostlegt.  Báðir leikirnir búnir að vera magnaðir og það er nóg eftir.

Þessi úrslitakeppni er búin að vera frábær... það verður bara að segjast.

[Ómar Ingi, 23.5.2009 kl. 22:12]

Ekki vanmeta Leibba Jón hann er the KING og´ætti með réttu að vera í KNICKS.

Það sem er Magic er að gera er óhugsandi og já Emmi það stefnir í svaka rimmu en ég ég vona að Leibbi klári þetta straight up.