Rashard Lewis vinnur fyrir stóra samningnum sínum

Cleveland Cavaliers vs. Orlando Magic 106-107 (0-1) 

Note to self - ekki treysta á að geta séð endursýningu á leikjunum morguninn eftir hjá Stöð 2 Sport.  Kallinn átti erfitt með að halda sér vakandi og ætlaði að treysta á endursýninguna í morgun, en viti menn - eitthvað gaddemm tuðruspark á skjánum.  Fátt annað sem gerir mann reiðari.  Næ endursýningunni í kvöld.

Anyway... vörnin augljóslega gaf eftir í leik Cavaliers.  Fá á sig 107 stig og leyfa 55% nýtingu svo ekki sé talað um 45% nýtingu Orlando fyrir utan þriggja stiga línuna.  LeBron með svo gott sem óaðfinnanlegan leik. 49 stig, 20/30 í skotum, 8 stoðsendingar og 3 blokk (þar af 2 í andlitið á Superman sjálfum).  Mo Williams mætti ekki tilbúinn í leikinn og held ég að það hafi gert útslagið.  6/19 frá þeim strák er ekki ásættanlegt.

Stan Van Gundy sagði við leikmenn sína í hálfleik að þeir væru allir "witnesses" og vísaði þar með í þekkta auglýsingaherferð Nike fyrir LeBron James, þe. að þeir væru allir bara að horfa á hann gera listir sínar.  Það hefur eitthvað kveikt undir þeim því þeir skoppuðu til baka eftir að hafa verið undir 15 stigum í þriðja.  Cavs einnig orðnir kærulausir á þessum tímapunkti sem er eitthvað sem þeir verða að tækla ætli þeir sér að komast alla leið.  Leikurinn er 48 mínútur og ekki búinn fyrr en flautan gellur.

Rashard Lewis heldur betur að vinna fyrir stóra samningnum sínum að negla niður mikilvægum skotum í fjórða hluta, 9/13 í öllum leiknum.  Howard 30 stig og 13 fráköst.  Mickael Pietrus hefur klárlega verið betri en enginn í þessari úrslitakeppni.  Frakkinn kom sterkur inn af bekknum í þessum leik og setti 13 kvikindi. 

Nú þurfa Cavs að fara í kalda sturtu og horfa á teipið af þessum leik nokkrum sinnum.  Að vera svona kærulausir með 15 stiga forystu í úrslitum austurdeildarinnar er út í hött og ekki vænlegt til árangurs fyrir lið sem ætlar sér NBA meistaratitilinn.  Orlando eru aftur á móti komnir í fullt skrið með mikið sjálfstraust eftir að hafa sent ríkjandi meistara í sumarfrí og virðist fátt geta stöðvað þá þessa dagana.

Orlando skellti Cleveland á útivelli

Athugasemdir

[Grétar (IP-tala skráð) 21.5.2009 kl. 10:17]

Þeir hafa komið út í 3. leikhluta og haldið að leikurinn hafi verið búinn.  Á Mike Brown ekki að heita coach of the year?  Svo er ófyrirgefanlegt þegar þú ert 2 stigum yfir á heimavelli og 14 sekúndur eftir að gefa upp þrist.

Jæja, vona og held nú samt að Cavs taki þetta...

[Arnar (IP-tala skráð) 21.5.2009 kl. 10:21]

Þessi leikur var SVAKALEGUR! Einn af þeim rosalegri sem ég hef séð LENGI!

Ég hélt í fyrri hálfleik að þetta ætlaði að verða rúst, stefndi allt í það. LeBron snælduvitlaus og Mo að hitta úr fáránlegu skoti frá eigin þriggjastigalínu. 

En mínir menn sneru þessu við og unnu magnaðan comeback sigur. Þessi rimma verður enginn dans á rósum fyrir Cleveland. Tja, nema rósirnar séu enn með þyrnum, því þetta á eftir að verða óþægilegt.