Yao Ming er ekki ómissandi

Los Angeles Lakers vs. Houston Rockets 89-70 (4-3) 

Ég held að Houston liðið hafi svarað mínum vangaveltum um hvort Rockets þurfi eitthvað á Yao Ming að halda.  Houston einfaldlega spiluðu eins og þeir hefðu átt að vera löngu hættir keppni.  Fær mann til spá hvað var eiginlega í gangi með Lakers liðið þegar þeir létu Houston vinna sig með nokkurra tuga stigamun.  Pau Gasol var illviðráðanlegur í teignum og fór ítrekað illa með Scola, hvort sem hann var að hirða af honum fráköst eða skora í andlitið á honum á low-post. 

Aaron Brooks var ekki að finna sig sem og Ron Artest sem var algerlega í ruglinu að henda upp múrsteinum.  Tölfræðin hjá Shane Battier var ekki falleg en verðmæti hans sést sjaldnast á stigatöflunni.  Maðurinn spilaði fáránlega góða vörn á Kobe og hélt honum í 14 stigum og 4/12 í skotum auk þess sem hann fiskaði nokkrar villur á hann.  Bynum var hress hjá Lakers en þó langt frá því sem hann þarf að vera.  Ariza var líka solid.

Lakers í úrslit vesturdeildar