Gríðarleg vonbrigði

...en skiljanleg að mörgu leyti.  Þ.e. skiljanlegt frá hagrænum sjónarmiðum.  Grinds buðu honum bull samning sem ekki var fræðilegt fyrir ÍR að jafna.  Óskiljanlegt með tilliti til körfuboltans, þar sem það er mjög ólíklegt að hann verði í jafn stóru hlutverki hjá Grinds líkt og hjá ÍR.  Ég set spurningarmerki við það hvort hann jafnvel verði í byrjunarliðinu.  Með hávaxna leikmenn í liðinu fyrir og svo hefur heyrst að þeir ætli að fá hávaxinn kana í miðjuna fyrir næstu leiktíð.

Menn lifa hins vegar ekki á loftinu og því eðlilegt að hugað sé að því þegar að þessu kemur.  Ég hins vegar velti því reglulega fyrir mér hvernig þessi topplið deildarinnar skauta alltaf jafn auðveldlega framhjá 500 þús króna launaþakinu sem sett hefur verið af KKÍ.  Með slöku gengi krónunnar dugar það varla fyrir þokkalegum kana í dag.  Er sambandið ekkert að fylgja þessu eftir?  Er þetta bara til málamynda eða er KKÍ alvara með þessu?

Það verður súrt að sjá Stálið í gulum búningi næsta vetur en hann veit að hann á alltaf heima í Hellinum alveg sama hvað segir.  Gangi þér vel, Ómar.

Ómar til Grindavíkur

Athugasemdir

[KR-ingur (IP-tala skráð) 11.5.2009 kl. 18:27]

Þvílíkt bull er í þér drengur, hann verður pottþétt í byrjunarliðinu hjá þeim.

[Emmcee, 11.5.2009 kl. 18:32]

Ja, ég vona það svo sannarlega.  Ómar er frábær leikmaður en þetta veltur allt á því hvernig rosterinn verður hjá þeim í haust.

[Rúnar Kárason (IP-tala skráð) 11.5.2009 kl. 18:42]

Bíddu bíddu, ertu að segja mér að maðurinn sé að fara fá yfir 500 þúsund kall í laun á mánuði eða er ég að misskilja þetta tal þitt um launaþök

[Emmcee, 11.5.2009 kl. 19:33]

Launaþakið nær yfir allt liðið, þe. heildarlaunakostnaður hvers liðs vegna leikmanna má ekki fara yfir 500 þúsund á mánuði.  Algengt er að kanarnir fái um tvö til þrjú þúsund dollara í laun mánaðarlega og á gengi dagsins eru $2.000 eitthvað um 250 þúsund krónur.  Þá er ekki úr miklu að moða fyrir aðra leikmenn liðsins.

[Rúnar Kárason (IP-tala skráð) 11.5.2009 kl. 21:19]

ok, mér þóttu þetta sláandi tölur.

[Kobe 8 (IP-tala skráð) 11.5.2009 kl. 22:16]

Þetta er hrikalegt!!!!!!

en gangi þér vel, Ómar.

[Krissi (IP-tala skráð) 12.5.2009 kl. 06:19]

Sorglegt að sjá eftir honum. Styrkir Grindavík gríðarlega að fá svona baráttuhund undir körfuna

[Ragnar Már (IP-tala skráð) 12.5.2009 kl. 10:01]

Þýðir þetta ekki að þú þurfir að dusta rykið af skónum???

Er til meira djók en launaþak KKÍ?

[Kobe 8 (IP-tala skráð) 12.5.2009 kl. 10:10]

Grindvíkingar hafa gert þriggja ára samning við miðherjann Ómar Sævarsson!!

3ár! er þetta grín?

[Emmcee, 12.5.2009 kl. 11:26]

Ómar átti sitt langbesta tímabil í úrvalsdeild í fyrra með 12,6 stig, 11,5 fráköst og 1,9 blokk í leik.  Ekki óeðlilegt að stærri liðin reyni að næla í hann. 

3 ár er eflaust eitthvað gamble fyrir Grindavík en það skiptir ekki öllu máli svo lengi sem þeir hafa efni á, því ekki virðist vera virkt eftirlit með launaþakinu.

Raggi:  ég er nú þegar búinn að kaupa nýjar reimar í Converse Weapon skóna mína og bíð nú bara eftir kallinu.  Þó ég sé 20 cm minni en Ómar þá er ég alla vega jafn þungur og hann og það hlýtur nú að gilda eitthvað.