Epic

Boston Celtics vs. Chicago Bulls 127-128 (3-3) 

Þessi sería er löngu orðin epísk og fer klárlega í sögubækurnar sem ein af þeim skemmtilegustu og mest spennandi.  Oddaleikur og fjórir af þessum sex leikjum sem búnir eru hafa farið í framlengingu, einn í tvöfalda og nú þessi í þrefalda framlengingu.  Í þessum leik skiptust liðin 21 sinni á að leiða og 17 sinnum var jafnt.  Bulls ætla greinilega ekki að gefa neitt eftir og hafa heldur betur lagt stein í götu Boston á leið þeirra til að verja titilinn.  Þetta er galopið og hvort liðið sem er getur sigrað þetta.  Chicago er búið einn leik á útivelli í þessari seríu og gæti hæglega gert það aftur. 

Það er lítill meistarabragur á Boston liðinu.  Pierce dettur inn þegar honum hentar en Allen hefur verið að stíga upp á hárréttum tíma eftir slæma byrjun og var með 51 stig.  Rondo var ekki að finna sig sóknarlega en gaf þó 19 stoðsendingar.  Salmons með 35 fyrir Bulls og 5/9 í þristum. Rose með 28 og Brad Miller með 23 og 10 fráköst en hann hefur verið Chicago mjög mikilvægur í þessari seríu.  Þetta treid sem skilaði Miller og Salmons til Chicago hefur heldur betur borgað sig. 

Það er heldur betur að færast hiti í leikinn núna og ásetningsvillur og tæknivíti fara nú að hrúgast inn.  Miller með lausa tönn og Pierce með blóðnasir.  Svona á þetta að vera!  Oddaleikurinn annað kvöld.

Chicago vann Boston eftir þríframlengdan leik

Athugasemdir

[Ómar Ingi, 1.5.2009 kl. 11:17]

Lakers ætti að taka þetta árið

[Emmcee, 1.5.2009 kl. 11:32]

Ekkert öruggt í því.  Kobe á enn eftir að sanna sig sem leiðtogi í úrslitum og svo má ekki gleyma Cleveland.  Boston fara hins vegar ekki langt ef þeim tekst að klára Chicago.  Verða alveg búnir á því líkamlega og andlega.  Fóru reyndar líka í 7 leiki gegn Atlanta í fyrstu umferð í fyrra en þá var KG heill heilsu.

[Jason Orri (IP-tala skráð) 1.5.2009 kl. 12:36]

Chicago klárar þetta. Noah sagði í viðtalinu þegar þeir töpuðu þarna í síðasta leik að þeir kæmu sterkir inn í næsta leik sem var í gær og hann sagði að þeir væru ekki þarna til að skemmta sér, þeir ætla áfram