Hriplek vörnin er að drepa Orlando

Orlando Magic vs. Philadelphia 76ers 94-96 (1-2) 

Þessi leikur var nánast ljósrit af fyrsta leiknum, nema hvað Philly leiddu mest allan tímann núna.  Iguodala fær tækifæri til að gera út um leikinn með vítum þegar rúmar 40 sek eru eftir, en klikkar á báðum.  Howard kemur þeim svo aleinn inn í leikinn aftur en var svo algerlega að brenna yfir í vörninni í blálokin þegar Thaddeus Young náði að smokra sér einhvern veginn upp í layup á meðan restin af vörninni horfði á.  Howard sennilega að bíða eftir að dómarinn flautaði þar sem hann hélt að hann hafi brotið á Young á leiðinni inn í teiginn.  Dwight Howard gersamlega skúraði gólfið með þeim varnarmönnum sem settir voru á hann, hvort sem það var Sam Dalembert eða Theo Ratliff.  36 stig (12/16) og 11 fráköst auk þess sem hann settir niður 12 af 14 vítum sínum í leiknum.  Howard er tæplega 60% vítaskytta.

Van Gundy verður að tjasla saman þessari vörn ef þeir ætla að fá að eiga færi á að komast með þessa seríu aftur heim í Orlando.  Philly-menn voru bara með áætlunarferðir upp að körfunni, eins og Beckarinn sagði réttilega í útsendingunni.  Sixers liðið spilar samt mjög hraðan og skemmtilegan bolta og ein ástæðan fyrir því að Magic eru í vandræðum með þá er hversu hratt þeir negla boltanum upp völlin í hraðaupphlaup.  12 stig úr hraðaupphlaupum hjá Sixers gegn 2 frá Magic.  Þetta er samt klárlega búið að vera langskemmtilegasta serían so far.

Orlando tapaði óvænt gegn Philadelphiu

Athugasemdir

[Þórður Helgi Þórðarson, 25.4.2009 kl. 19:54]

Thats my gæs..... i like it!

[Emmcee, 25.4.2009 kl. 19:59]

Já, Sixers eru búnir að koma mjög skemmtilega á óvart.