Utah eru einfaldlega sterkir á heimavelli

Boston Celtics vs. Chicago Bulls 107-86 (2-1)

Rajon Rondo er greinilega maðurinn í Boston.  Gleymið Pierce, Allen og Garnett.  Þessi gaur er heilinn og hjartað í liðinu.  Drengurinn er með nánast þrefalda tvennu að meðaltali í seríunni.  Bakverðir Bulls réðu ekkert við mótherja sína í Celtics - Rondo með 20 stig og 11 fráköst og jafnvel Marbury að setja niður 13 kvikindi í þessum leik.  Eitthvað hefur verðlaunagripurinn hans Rose verið þungur því hann var algjörlega fjarverandi í þessum leik og munar um minna.  Rose verður að rífa sig upp og Bulls liðið verður að einblína á að hægja á Rondo til að eiga séns á áframhaldandi þátttöku í þessari keppni.

San Antonio Spurs vs. Dallas Mavericks 67-88 (1-2)

Nokkuð ljóst að yfirlýsingar Erick Dampier voru innantómt raus því hann snerti ekki Tony Parker allan leikinn.  Ekki að það hafi svo sem verið þörf á því.  TP var stigahæstur Spurs manna með aðeins 12 stig! Duncan með 4 stig.  Dallas seigir í vörninni og héldu Spurs í aðeins 32% nýtingu og 67 stigum sem verður að teljast mjög lágt, sér í lagi meðal liða í vesturdeildinni.

Los Angeles Lakers vs. Utah Jazz 96-87 (2-1)

Lakers virðast ekki hafa áttað sig á því að þó Utah geti ekki blautan á útivelli þá eru þeir mjög sterkir í Salt Lake City.  Boozer stóð við loforð sitt um að Jazz myndu vinna þennan leik með 23 stig og 22 fráköst, en tæpt var það.  D-Will með ísvatn í æðunum setti niður skot sem kláraði leikinn þegar um 2 sekúndur voru eftir.  Bryant setti niður aðeins 5 skot í leiknum en var við það að ná í heilan húsvegg með öllum múrsteinunum sem hann var að fleygja upp. 

Lakers tapaði í Salt Lake City