Orlando er í vandræðum

Orlando Magic vs. Philadelphia 76ers 96-87 (1-1)

Orlando eru í vandræðum með Philly.  Orlando liðið er mjög sterkt og talented en hefur það reynsluna sem þarf til að fara alla leið?  Sixers eru ekki með eina einustu stórstjörnu í liðinu (ég tel Iguodala ekki stórstjörnu) og eru samt að valda Magic, með sinn varnarmann ársins, vandræðum.  Philly hafa hins vegar reynsluna.  Gamlir naglar eins og Donyell Marshall, Theo Ratliff og Andre Miller eru að mixa vel með ungu strákunum og sýna þeim hvernig hlutirnir virka í úrslitakeppninni.  Stigahæsti leikmaður Orlando var nýliðinn þeirra, sem er reyndar drullugóður og er búinn að vera frábær í þessum tveimur leikjum sem búnir eru.  Dómararnir voru reyndar ekki Howard hliðhollir í þessum leik, en strákurinn fór út af með 6 villur um miðjan 4. hluta.  Hann náði þó að blokka mann og annan og troða hreint sjúklega eftir klúðrað lay-up frá Alston.

Atlanta Hawks vs. Miami Heat 93-108 (1-1)

Dwayne Wade er bara ómannlegur.  6 þristar og backbreakerinn 2 metra fyrir utan línuna í engu jafnvægi og spjaldið ofan í.  D-Cook líka loksins að sýna hvers vegna hann vann 3jastiga skotkeppnina í febrúar.  Hélt að Hawks myndu snýta þeim en það er ljóst að þetta verður spennandi sería.

Denver Nuggets vs. New Orleans Hornets 108-93 (2-0)

Hornets geta greinilega ekki blautan.  Ekki mikil hjálp í Chandler, setti aðeins 7 stig en tók þó 11 fráköst.  CP3 ekki að finna sig í sókninni en Peja þó að setja nokkra þrista.  Billups allt í öllu hjá Nuggets þrátt fyrir að vera ekki mikið að dreifa boltanum.  Setti 4 þrista og alls 31 stig.  Birdman er samt snillingur.  Þessi gaur er að koma inn af bekknum með læti og baráttu, tekur fráköst og blokkar skot.  Týpa sem öll lið þurfa að hafa.

Miami og Orlando jöfnuðu metin