Enginn nýliðabragur á Derrick Rose

Chicago Bulls vs. Boston Celtics 105-103 (1-0)

Úrslitakeppnin byrjar heldur betur með látum í ár.  Chicago Bulls sem lentu í 7 sæti austurdeildarinnar unnu annað besta liðið í austrinu, Boston Celtics í framlengdum leik.  Chicago liðið byrjaði með látum og leiddi nánast allan fyrri hálfleikinn.  Allt gekk upp hjá Bulls en Celtics voru gersamlega með buxurnar á hælunum fyrstu tvo fjórðungana.  Allen og Pierce ískaldir svo leikurinn snérist snemma upp í einvígi á milli Derrick Rose og Rajon Rondo.  Í síðari hálfleik fóru C's að spila aftur eins og menn og Bulls liðið að hiksta fyrir utan Rose.  Drengurinn dróg liðið inn í jafnan leik fram að lokasekúndum leiksins.  Rose var með 36 stig og 11 stoðsendingar í sínum fyrsta leik í úrslitakeppni.  Hann jafnaði frammistöðu Jabbar og toppaði Wilt Chamberlain í þeirra fyrstu leikjum.  Er einhver enn með efasemdir um hvort Rose sé nýliði ársins?  Joakim Noah var með 11 stig og 17 fráköst og heimskulegustu villu ársins á Pierce þegar örfáar sekúndur voru eftir af leiknum.  Pierce tjókaði þó á línunni svo hann slapp með skrekkinn.

Celtics spiluðu eins og bjánar og eiga ekki skilið að halda áfram í þessari keppni ef þeir halda þessu áfram.  Með eða án Kevin Garnett réttlætir ekki svona spilamennsku og kallar eins Allen og Pierce verða að setja egóið í vasann á meðan á þessari seríu stendur.  Chicago ætla ekki að leggjast niður og láta vaða yfir sig.