Lakers sauma að Cavaliers

Eftir sigur Lakers í nótt munar aðeins hálfum sigri á liðunum og stefnir í harða baráttu milli þessarra liða um heimaleikjaréttinn í úrslitakeppninni. 

Cleveland á fimm leiki eftir af deildarkeppninni, heima og heiman gegn Philly (2-0 í vetur) og útileik gegn Indiana (2-1 í vetur) sem ættu að vera nokkuð öruggir.  Heimaleikur gegn Boston (1-2 í vetur) sem geri nú ráð fyrir að þeir taki, bæði þar sem þeir eru nánast ósigrandi á heimavelli og Boston er enn án KG.  Svo á ég nú von á að þeir slátri Washington (1-2 í vetur) í kvöld fyrir að stöðva sigurleikjasyrpuna þeirra í 13.  Annars er Cavaliers vélin eitthvað að hiksta þessa dagana og gæti þetta farið á hvern veginn sem er. 

Lakers eiga hins vegar erfiðari dagskrá framundan.  Heimaleikur gegn næstbesta liði vesturdeildarinnar Denver (2-1 í vetur), útileik gegn Portland (2-1 í vetur) sem eru nokkuð sterkir á heimavelli, svo eru heimaleikir gegn Memphis (3-0 í vetur) sem ætti að vinnast nokkuð örugglega og Utah (1-1 í vetur) sem eru hins vegar til alls líklegir.

Það verður forvitnilegt að fylgjast með hvernig þetta þróast og hvaða lið endar á toppi deildarinnar um miðjan mánuðinn. 

Hvað varðar leikinn í nótt hjá Lakers var fátt umræðuvert í honum nema troðslan hans Vujacic yfir Simmons og Garcia.  Hvað var í gangi með hana?!  Segi nú bara eins og sá sem talar inn á myndbandið, ég vissi ekki að hann gæti almennt yfir höfuð troðið.

Lakers lagði Sacramento