North Carolina Tar Heels háskólameistarar 2009

North Carolina Tar Heels sigraði Michigan State Spartans í úrslitum háskólaboltans, 89-72 í fremur óspennandi leik í nótt.  UNC höfðu stjórn á leiknum allan tímann og Spartans reyndu að fylgja eftir.  55 stig UNC í hálfleik er met í sögu úrslitaleiksins, en þá voru þeir 21 stigi yfir.  Ty Lawson átti frábæran leik fyrir Tar Heels, með 21 stig, 6 stoðsendingar og 8 stolna bolta, sem er einnig met í úrslitaleik.  Hansbrough og Ellington voru einnig mjög góðir með 18 og 19 stig.  Hjá Michigan var það einna helst Goran Suton sem eitthvað gat en hann setti niður 17 stig og tók 11 fráköst. 

Þetta er fimmti titill UNC og eru þeir því þriðja sigursælasta lið keppninnar frá upphafi, ásamt Indiana University.  UCLA leiðir þann lista með 11 titla og University of Kentucky í öðru sæti með 7.