Slakur leikur hjá Hornets

Hvað er málið með alla slöku leikina sem maður fær að sjá í beinni útsendingu?! Í leik Utah og New Orleans í nótt mættust þó tveir allra bestu leikstjórnendur deildarinnar, Deron Williams og Chris Paul.  Það var ekki að spyrja að því.  Mögnuð tölfræði frá þeim báðum.  D-Will með 21 stig (9/12), 11 stoðsendingar og ekki einn einasta tapaða bolta.  CP3 með 19 stig (8/14), 12 stoðsendingar en 4 tapaða boltar.

Gæði leiksins voru hins vegar ekki á sama plani.  Utah gersamlega völtuðu yfir Hornets liðið í fyrsta fjórðung 41-19.  Vörn New Orleans alveg skelfileg og Utah-menn settu allt niður.  Voru með yfir 75% nýtingu utan að velli í fjórðungnum.  Hornets náðu eitthvað að klóra í bakkann í öðrum en voru samt 27 stigum undir í hálfleik.  Í upphafi seinni hálfleiks fóru Hornets loksins að spila einhverja vörn og setja niður eitthvað af sínum skotum.  Stefnan snérist algerlega við, Hornets voru farnir að skjóta yfir 70% og náðu að minnka muninn niður í 8 stig á tímabili.  CP3 fékk svo 5. villuna sína í upphafi 4. hluta og þurfti að fara af velli, en við það missti liðið taktinn. 

Annars var Ronnie Brewer hrikalega öflugur yfir Utah með 23 stig og David West fyrir New Orleans með 23 stig og 12 fráköst.  Hornets hefðu getað tryggt sér sæti í úrslitakeppninni með sigri í nótt en verða að bíða eitthvað með það.

Lakers vann grannaslaginn

Athugasemdir

[Trausti Stefánsson Þruma (IP-tala skráð) 8.4.2009 kl. 22:46]

Gríðarleg vonbrigði með þennan leik. Enda ekkert gríðarlega mikil gæði í Hornets liðinu fyrir utan CP3 og David West.

kveðja frá Lagos