Besta körfuboltalið EVER á Íslandi?

Ég veit að margir verða ósammála mér en ég verð bara að varpa þessu fram.  Getur verið að KR liðið núna sé það allra besta af öllum íslenskum körfuboltaliðum sögunnar?  Þetta er alveg hreint magnað lið og er spurning hverju það er að þakka.  Er það fjárhaglegur styrkur KR, þe. var þessi árangur keyptur?  Er Benni frábær þjálfari?  Er kannski liðið hlaðið svo miklu talent að það er nánast sama hvernig þú stillir því upp, það er alltaf sterkara en andstæðingurinn? 

Ég held hins vegar að þetta sé góð blanda af öllum þáttum.  Það þarf góðan og ákveðinn þjálfara til að stýra liði sem er yfirfullt af "stjörnuleikmönnum".  Það þarf góða summu af fjármagni til að allir séu sáttir og aðstaðan sé góð.  Svo er hvert lið ekki sterkara en veikasti hlekkur þess og virðast þeir vera fáir veiku hlekkirnir í þessu liði.  Eftir því sem ég best veit eru bara þrír leikmenn í þessu liði sem eru uppaldir annars staðar (leiðréttið mig ef ég fer með rangt mál).  Skarpi, Pálmi og Fannar, og þeir hafa verið þónokkuð lengi hjá liðinu.  Restin er leikmenn sem hafa alist upp í klúbbinum og eru árangurinn af mögnuðu ungliðastarfi KR-inga í gegnum árin.

KR-ingar gersamlega misþyrmdu Grindvíkingum í þessum leik framan af.  Alla vega í 3 leikhluta en urðu hreinlega kærulausir og latir í lokin.  Grindvíkingar að hitta frekar illa og með tæplega hálfan PAxel, aðeins 2 stig (1/5) á 18 mínútum.  Bradford með 38 kvikindi og 9 fráköst.  KR-ingar hins vegar að hitta hvaðan af á vellinum.  Helgi og Fannar með 22 stig en Dourisseau í bullinu með 17 stig, 11 fráköst og 5 stoðsendingar og gerði sína bestu Kobe-eftirhermu með fullt af up-and-under layuppum.

Það á að vera nánast formsatriði fyrir KR-inga að klára þetta 3-0, en þeir verða að vera með hausinn á herðunum í tveim næstu leikjum til að svo verði.  KR tapaði einum leik í vetur og það var í Grindavík og er því engin eiginleg fyrirstaða að það geti gerst aftur.  Grindvíkingar vinna hins vegar ekki þetta KR lið nema þeir spili 40 mínútur af sínum besta körfubolta.

KR komst í 1:0 gegn Grindavík í Frostaskjóli

Athugasemdir

[Ómar Ingi, 5.4.2009 kl. 13:46]

Þarf nú ekki að vera merkilegt lið til að toppa hitt draslið

[Ace (IP-tala skráð) 5.4.2009 kl. 16:35]

Ég veit það verða margir ósammála mér en ég verð að varpa þessu fram. Er Ómar Ingi Friðleifsson neikvæðasti og leiðinlegast durgur EVER?

[Rúnar Birgir Gíslason, 5.4.2009 kl. 18:07]

Ef við förum djúpt í upphaf leikmanna þá lék Jakob með Blikum í slatta af yngri flokkum og Baldur er Valsari í grunninn, fór í kringum 16 ára til KR

[Emmcee, 5.4.2009 kl. 18:24]

Já, alveg rétt.  Baldur var í Val.  Vissi reyndar ekki þetta með Jakob.

[m (IP-tala skráð) 5.4.2009 kl. 19:40]

Jakob var í Breiðablik í mb. 11ára,kom yfir í KR í 7.flokk

[Diesel (IP-tala skráð) 5.4.2009 kl. 22:16]

Jakob elti að sjálfsögðu pabba sinn sem var að þjálfa fyrst í Blix og svo í KR þar sem hann fór að geta eitthvað.

Helgi, Jón, Darri, Gummi, Elli, Brilli, Skarpi (8ár hlýtur að teljast KRingur) Baldur Fór með Axel Nik til KR sem betur fer! Hefði lítið orðið úr honum hjá lúsuerunum hinum megin við lækinn sem geta ekki einu sinni mútað sér upp um deild hehehe smá djók.. Fannar er ár 4 ári, allir vita hvar hann var áður. Pálmi er líka á 4 ári. Eini blikinn sem hefur haft hausinn í lagi og getað spilað enda örvhentur. Þannig að í heildina þá er þetta lið nú algjörlega KR!! Þarf svona lið að hafa góðann þjálfara. Já ég held það eða hvað? sýndi það sig í Bikarleiknum.. Segi ekki meir!! Hins vegar Fannar og Jón miklir leiðtogar og geta fengið alla til að spila vörn meira segja fótalaus maður myndi gera góða hluti með þessum tveimur heiðursdrengjum..

KR vinnur þetta 3-0.

[Ómar Ingi, 6.4.2009 kl. 10:03]

HAHAHAHAHA

Góður Ace

Truth Hurts

[Dóri (IP-tala skráð) 6.4.2009 kl. 11:38]

Jakob er fæddur og uppalinn KR-ingur og Vesturbæingur.  Það er hlægilegt að halda öðru fram þó að hann hafi farið á nokkrar æfingar í Kópavogi.