Final Four í gær

Michigan State sigraði University of Connecticut í fyrri leik undanúrslita háskólaboltans í gær 82-73, nánast á heimavelli í Detroit, Michigan.  Mjög jafn leikur allt þar til um 7 mín voru eftir þegar Michigan fór að síga fram úr.  Kalin Lucas með 21 stig og 5 stoðsendingar, Rayman Morgan með 18 og 9 fráköst.  Hjá UConn var það 220 cm Afríkubúinn Hasheem Thabeet sem setti 17 og greip 6 og Stanley Robinson setti 15 stig og halaði niður 13 fráköstum.  Jeff Adrien hjá UConn reyndi að slá til Travis Walton eftir að Walton hafði brotið hressilega á honum.  Tilþrif leiksins án efa þegar Durrell Summers stappaði í trýnið á Robinson í hraðaupphlaupi Michigan. 

Í hinum leiknum var það University of North Carolina sem sigraði Villanova nokkuð örugglega 83-69, en sá leikur náði aldrei að vera neitt sérlega spennandi.  Ty Lawson ótrúlegur í liði Tar Heels með 22 stig, 8 stoðsendingar og 7 fráköst.  Hansbrough með sín 18 stig og 11 fráköst, eins og klukka.  Reggie Redding með 15 stig og 4 fráköst fyrir Villanova en Dante Cunningham án efa besti maður liðsins með 12 stig og 12 fráköst.  Lítið um tilþrif í þessum leik enda UNC liðið svakalega stöðugt og agað og virtist hafa fulla stjórn á leiknum allan tímann.

Það er því ljóst að heimamennirnir í Michigan State munu mæta hinu frábæra liði frá North Carolina í úrslitum um meistaratitil háskólaboltans og verður fróðlegt að sjá hvernig sá leikur spilast.  Spartans eru háfuglar og spila hraðan bolta en Tar Heels eru mjög agað lið sem spilar öruggan bolta.  Þegar þessi lið mættust í desember unnu UNC örugglega með 35 stigum og Tom Izzo þjálfari Spartans hefur lofað að það gerist ekki aftur á mánudaginn. 

Hér er góð samantekt á troðslum kvöldsins:

Athugasemdir

[Jason Orri (IP-tala skráð) 5.4.2009 kl. 14:48]

þú ert kominn soldið í háskóla boltann

[Emmcee, 5.4.2009 kl. 15:08]

Það er nú algjör skylda að fylgjast alla vega með Final Four.

[Jason Orri (IP-tala skráð) 6.4.2009 kl. 00:04]

hahaha, ég veit nú ekki neitt um háskóla boltann, hvað er Final Four?

[Emmcee, 6.4.2009 kl. 00:38]

Undanúrslitin og úrslitin, síðustu fjögur háskólaliðin sem eru eftir.