Alltaf stuð í NBA deildinni

Nú þegar nær dregur úrslitakeppninni fer að sjást hvaða lið eru reiðubúin í það maraþon sem framundan er.  Til að mynda sýndu Orlando ekki að þeir séu annað sterkasta liðið í austurdeildinni með því að tapa fyrir Toronto á heimavelli.  Vörnin alveg skelfileg hjá Orlando í þessum leik og einkennilegt að sjá teiginn svona galopinn og Howard úti að skíta.  Þvílíkt öppsett og Magic duttu fyrir vikið niður í 3. sætið þar sem Boston unnu Charlotte... naumlega. 

Jú, Boston sýndu heldur ekki mikla yfirburði með að hleypa Charlotte Bobcats í tvöfalda framlengingu.  Bobcats hafa reyndar verið að sýna vígtennurnar undanfarið með því t.d. að vinna Lakers og Philly um daginn og núna með þessum tilþrifum.  Boston var þó sterkara liðið á endanum og Charlotte menn drulluðu endanlega í brækurnar með að skilja Allen eftir aleinan í hægra horninu.  Maður bara gerir það einfaldlega ekki í jöfnum leik með nokkrar sekúndur eftir.  Verður það að skrifast á Gerald Wallace, þann frábæra varnarmann.

Lakers sluppu við þriðja tapið í röð og unnu Milwaukee, gott að loka þessu ferðalagi með sigri.  Lakers eru þó búnir að tryggja sér efsta sætið í vestrinu.

Boston vann í tvíframlengdum leik