72 - 10

Talandi um árangur Cleveland Cavaliers núna sem hafa sigrað 60 leiki í vetur en aðeins tapað 13, þá er vert að rifja upp árangur bestu NBA liða allra tíma.  Ef Cavs halda ótrauðir áfram og sigra þá níu leiki sem eftir eru jafna þeir næstbesta árangurinn í NBA deildinni, en það var LA Lakers liðið 1971-72 sem náði þeim árangri með Jerry West og Wilt Chamberlain í broddi fylkingar.  Þeir unnu til að mynda 33 leiki í röð á því tímabili, en til samanburðar er lengsta winning streak Cleveland í ár er einmitt rönnið sem þeir eru á núna eða "aðeins" 12 leikir.

Það var hins vegar Chicago Bulls liðið 1995-96 sem á allra besta árangur NBA deildarinnar fyrr og síðar, 72 sigurleikir og 10 töp.  Þetta var fyrsta heila tímabil Michael Jordan eftir fyrri endurkomu.  Það var augljóst í hvað stefndi eftir að Jordan kom aftur í lok tímabilsins 94-95 og að tapa fyrir Orlando í úrslitakeppninni að eitthvað stórkostlegt var í uppsiglingu.  Toni Kukoc var kominn í liðið, Rodman kom í skiptum fyrir Will Perdue, Luc Longley í miðjunni og Steve Kerr fenginn inn eftir að Paxon hafði lagt skóna á hilluna.  Byrjuðu tímabilið 41-3 og höfðu þá tapað aðeins útileikjum gegn Orlando, Seattle og Indiana, sem voru með mjög sterk lið þá.  Svo hélt þetta áfram í úrslitakeppninni þar sem liðið tapaði aðeins 3 leikjum.  Þegar tímabilinu lauk með 4-2 sigri á Seattle Supersonics í úrslitum, hafði liðið unnið 87 af 100 leikjum.