ÍR - Grindjánar í playoffs

ÍR kláraði deildina í 7. sæti og mæta því Grindavík í fyrstu umferð úrslitakeppninnar.  ÍR-ingar hafa tapað öllum þrem viðureignum sínum við Grindavík í vetur (sé bikarkeppnin tekin með) og verður því á brattan að sækja fyrir mína menn.  Leikurinn í gær var samt að mörgu leyti jákvæður þrátt fyrir óhagstæð úrslit.  Sóknin gekk þokkalega og menn voru að hitta mjög vel, að undanskilinni vítanýtingu liðsins. 

Lykillinn að sigri gegn Grindavík er eins og flestir átta sig á, að stoppa þriggja stiga skyttur liðsins.  Tæplega 31% þeirra skota sem liðið tekur eru neðan úr bæ.  Grindvíkingar skora að meðaltali 33 stig með þristum.  Að skera þetta niður um þó ekki væri nema helming ætti að koma liðinu úr jafnvægi og þvinga það út fyrir sitt comfort zone.  Það er þó hægara sagt en gert þar sem fjöldi leikmanna sem geta sett langskotin er töluverður og erfitt að loka á einhvern einn þegar annar stígur upp og tekur við.

Mér finnst samt eins og Grindavík sé ekki að spila á fullu gasi þessa dagana.  Páll Axel ekki með í gær og liðið að spila á 7 mönnum.  Er það öll dýptin á bekknum?  ÍR-ingar eiga að nýta sér þetta á fullu.  Ekki er búist við neinu af þeim og þeir "undirhundar" í þessari viðureign. 

Koma svo ÍR-ingar!  Þeir sendu okkur heim úr bikarnum, nú hendum við þeim út úr úrslitakeppninni. 

Breiðablik í úrslitakeppnina - Þór féll

Athugasemdir

[President (IP-tala skráð) 9.3.2009 kl. 14:49]

Eigum við samt eitthvað að ræða dómgæsluna í gær??!!

[Emmcee, 9.3.2009 kl. 22:57]

Nei, helst ekki.  Sjálfur var ég ekki á leiknum en ég heyrði að hún hafi verið skelfileg í seinni hálfleik.  Ég hélt (eða vonaði) að Einar Skarp væri hættur.