Aldrei stríð á Íslandi / Gran Torino

Fór í bíó í gær og sá stuttmyndina Aldrei stríð á Íslandi sem sýnd var á undan Clint Eastwood myndinni Gran Torino.  Góður vinur minn, kvikmyndasnillingurinn Bragi Þór Hinriksson gerði stuttmyndina og var hún alveg brilljant.  Gífurlega smekklega unnin á allan hátt tæknilega, hljóðsetning og effectavinnsla alveg til fyrirmyndar.  Bragi er mjög visual leikstjóri og er kvikmyndatakan alveg eftir því.  Haffi sem leikur hermanninn sýnir fínan leik og kemur manni á óvart að hann hafi ekki lært leiklist.  Virkilega öflug stuttmynd.

Kíkið á innslag um myndina og viðtal við Braga í Kastljósi.

Svo var það Gran Torino.  Þvílíkt snilld þar á ferð.  Það verður bara ekkert svalara en Clint Eastwood.  Kallinn að detta í áttrætt og mann langar ekkert til að vera að messa í honum.  Fleygar línur eins og "Ever notice how you come across somebody once in a while you shouldn't have fucked with? That's me."  Bara alveg eins og það á að vera.  Frábær mynd þarna á ferð.

Myndirnar eru sýndar í Sambíóunum.