Landslagið í NBA deildinni gæti breyst mjög mikið á næstu tveim árum

Það er engin furða að stjórnendur NBA liðanna séu að losa um launaþakið hjá sér með því að senda menn með stóra samninga frá sér og taka á móti öðrum jafnvel sem eru með t.d. ár eftir af samningi.  Ein ástæðan fyrir þessu gæti verið sú að fjármálakreppan er að læðast að deildinni, líkt og öðrum íþróttagreinum.  Leikmenn munu að öllum líkindum sækjast eftir stuttum samningum á meðan liðin reyna að keyra launakostnaðinn niður eins og hægt er.

Önnur ástæða gæti einnig verið fyrir þessum hreyfingum, eða sú að hver stórstjarnan á fætur annarri verður með lausan samning á næstu tveim árum.  Ekki lakari menn en Kobe Bryant, Carlos Boozer, Allen Iverson, Ron Artest, Jason Kidd, Shawn Marion, Andre Miller, Lamar Odom og Rasheed Wallace verða með lausan samning í sumar.  Sumarið 2010 verða þeir Dwyane Wade, Chris Bosh, Amare Stoudemire, Paul Pierce, Ray Allen, Tyson Chandler, Manu Ginobili, Richard Jefferson, Joe Johnson, Tracy McGrady, Yao Ming, Steve Nash, Dirk Nowitzki og Michael Redd lausir frá félögum sínum.  Svo ekki sé talað um allan sirkúsinn sem myndast hefur í kringum samning LeBron James sem verður laus sumarið 2010. 

Mörg lið með lægra en 50% vinningshlutfall þyrftu ekki nema eins og t.d. einhverja tvo af þessum leikmönnum til að snúa dæminu við og verða þátttakendur í baráttunni um NBA titilinn.  Þó ekki sé gefið að allir þessir leikmenn flytji sig um set þá er nokkuð ljóst að einhverjar hreyfingar verða á þessum stórstjörnum og landslag NBA deildarinnar algerlega stökkbreytt eftir á.

Hookup:  ESPN.com

McGrady úr leik hjá Houston Rockets

Athugasemdir

[Ómar Ingi, 19.2.2009 kl. 18:04]

Shiiii

[eazy (IP-tala skráð) 20.2.2009 kl. 09:16]

Lebron í Knicks, það er borðliggjandi.