MVP baráttan heldur áfram

Það hljóta að vera blendnar tilfinningar sem fylgja því að vera Knicks aðdáandi í dag.  Liðið búið að tapa tveim leikjum núna í röð á heimavelli og sá þriðji að öllum líkindum núna á föstudaginn.  New York búar geta hins vegar ekki kvartað yfir skemmtanagildi þessarra leikja.  Kobe með 61 stigs flugeldasýningu á mánudaginn, LeBron núna með 52 stig og þrefalda tvennu.  Þetta verður tough act to follow fyrir Paul Pierce á föstudaginn.

Það er hins vegar alveg á tæru að LeBron ætlaði að sýna Kobe hver sé að fara að vinna MVP þetta árið.  Ef bera á saman frammistöðu þeirra í þessum leikjum myndi ég telja fljótt á litið LeBron eiga vinninginn. 

Kobe:  61 stig, 3 stoðsendingar, 1 blokk, 22/37 nýting, 20/20 af línunni, 2 tapaðir boltar og allt þetta á aðeins tæpum 37 mínútum.

LeBron:  52 stig, 10 fráköst, 11 stoðsendingar, 2 blokk, 19/40 nýting, 16/19 af línunni, 3 tapaðir boltar og 44 mín spilaðar.

En ef við förum út í framlagsútreikninga þá sjáum við að LeBron hefur aðeins 2 stig umfram Kobe, eða 51 hjá Kobe á móti 53 hjá LeBron.

Það væri hreinlega ekki dapurt að sjá þessa stráka mætast í úrslitum deildarinnar í vor.

James skoraði 52 stig gegn Knicks

Athugasemdir

[President (IP-tala skráð) 5.2.2009 kl. 15:26]

http://sports.espn.go.com/nba/dailydime?page=dime-090205

[Emmcee, 5.2.2009 kl. 21:53]

Auðvitað var það markmiðið að slá þetta met.  Það lá alveg í augum uppi.   Hefðu Cavs náð meiri forystu snemma í leiknum hefði hann eflaust náð því.  Báðir vilja klárlega verða besti körfuboltaleikmaður allra tíma, þannig að þetta verður magnað einvígi í framtíðinni.

[Ragnar Már (IP-tala skráð) 7.2.2009 kl. 02:10]

NBA hefur tekið þrennuna af LeBron og auðvitað við það þá er hans frammistaða ekki neitt miðað við það sem Kobe gerði! :)

Árangur liðanna er svipaður en liðin eru langt frá því að vera á sama hæfileikastigi. MVP verður því að fara til LeBron, ekki spurning.