Lélegt hjá ÍR

Eitthvað hefur jólasteikin runnið vel ofan í ÍR-ingana og runnið eitthvað illa af þeim núna eftir áramót en þeir voru þungir á sér og hreinlega virtust ekki nenna þessu.  Til að vinna lið eins og KR liðið er í dag þurfa allir að taka þátt og eiga solid leik.  Þessi byrjaði ekki betur en svo að annar stigahæsti leikmaður liðsinsí vetur, Svenni Claessen snéri á sér ökklann...Í UPPHITUN!  Ég sá nú ökklann á honum eftir leikinn og manni sýnist þetta vera aðeins nett tognun og þarf hann að setja kvikindið í frost til að komast í bikarleikinn á mánudaginn. 

Sóknarleikurinn hjá ÍR var handahófskenndur.  Boltinn gekk illa og menn þorðu ekki að ráðast að körfunni, heldur fleygðu upp þristum við hvert tækifæri.  40% af skotum liðsins komu neðan úr bæ.  Stálið var algert beast í teignum með 20 stig og 10 fráköst.  Kallinn er búinn að eiga solid double-double tímabil það sem af er vetri, með 12,1 stig og 12,8 fráköst í leik.  Hann er líka með langhæsta framlagsstuðulinn í liðinu eða 22,5 og verður það að mínu mati skandall ef Steelo kemst ekki alla leið í landsliðið eftir þetta tímabil.

Dómarar leiksins nánast hneigðu sig fyrir Jóni Arnóri og félögum og voru leikmenn ÍR ekki saklausir í þeim efnum heldur.  Þorðu lítið að taka á þeim og létu þá bara valta yfir sig.  Fannar Ólafs sveiflaði olnbogunum um allt og náði að landa nokkrum stungum, meðal annars í gagnaugað á Steinari. 
Nokkuð ljóst að mínir menn verða að rífa sig upp fyrir bikarleikinn í Grindavík eftir helgi.  Það er bara einfaldlega do or die.  Sagan er hins vegar að hluta til með okkur í bikarleikjum í Grindavík en í tvö síðustu skiptin sem ÍR hefur unnið bikarinn (2001 og 2007) þá unnum þeir Grindavík á heimavelli í undanúrslitum.  Þetta verður hins vegar í 8-liða úrslitum og við skulum vona að það breyti engu.

FSu sigraði í Njarðvík