Útlit fyrir þokkalega sterkt Chicago Bulls lið

Ég hélt ég ætlaði að yfirlýsa John Paxon og Derrick Rose réttdræpa þegar ég sá í hvað stefndi með LeBron James málið.  Það er löngu vitað að John Paxon er fífl en að Derrick Rose ætlaði að standa í vegi fyrir því að besti körfuboltaspilari á jörðinni kæmi til liðs við Bulls ætlaði ég aldrei að trúa.  LeBron James gæti verið leiðinlegasti maður á jörðinni en hann myndi samt gera hvaða lið sem er í deildinni að contender.  En getur hann komið því alla leið? 

Að mínu mati þarf meira en leikmann sem getur skorað hvaðan af á vellinu til að vinna titla.  MJ áttaði sig á því.  Það tók Kobe nokkur ár að skilja það.  LeBron James veit það manna best í dag og skýrir að mörgu leyti ákvörðun hans í síðustu viku.  Hið háaldraða Boston Celtics lið sýndi það í verki í vor að það er hægt að stöðva hvern sem er, ef hann vill ekki sigurinn nógu mikið.  Þar af leiðandi, eftir mikla umhugsun, syrgi ég ekki ákvörðun LBJ að ganga ekki til liðs við Bulls.  Að spila undir öllum þessum meistaratitilsborðum sem hanga í United Center í boði Michael Jordan hefði líka verið of mikil pressa fyrir hann.  Auk þess heyrði ég af því að James hafi sett þau skilyrði allir vinir hans fengju vel launaða vinnu hjá liðinu, líkt og Cavs hafa gert með dekri sínu við hann.  Því kann ég Rose og Paxon þakkir fyrir að leggjast ekki svo lágt.  Hins vegar er ég einnig sáttur við að þeir sóttu ekki Joe Johnson í staðinn líkt og Rose hafði óskað eftir.  Þar fer ofmetið kvikindi sem mun aldrei vinna neitt.

Paxon og félagar hafa ekki setið auðum höndum í sumar eins og allt útlit var fyrir.  Hafa nú gengið frá samningum við Utah-mennina Carlos Boozer og Kyle Korver, auk þess sem samkomulag hefur náðst við J.J. Reddick sem Orlando hefur enn möguleika á að jafna.  Bulls eru að borga allt of mikið að mínu mati fyrir Boozer ($80M á fimm árum) en hann er solid 20-10 leikmaður þó risarnir í Lakers hafi pakkað honum saman í vor.  Booz er mjög consistent leikmaður, og skilar nánast alltaf öruggum tölum, ólíkt Tyrus Thomas sem Bulls sendu til Bobcats í fyrra.  Bulls var frákastahæsta liðið í deildinni í fyrra og er vonandi að Booz bæti þar bara við. 

Bulls var með þriðju slökustu þriggja stiga nýtinguna í deildinni á liðinni leiktíð og þar koma hinir tveir til skjalanna.  Korver og Reddick eru báðir career 40% þriggja stiga skyttur og eflaust ætlað að teygja á vörninni með ógn að utan og gefa Boozer og Noah meira svigrúm undir körfunni.  Korver er vita gagnslaus innan þriggja stiga línunnar en getur verið deadly þar fyrir utan.  Reddick hins vegar hefur mun meira vopnabúr og hefur farið gríðarlega fram á undanförnum tveim árum.  Eins og áður sagði er samkomulagið við Reddick háð viðbrögðum frá Magic en það er ekki búist við að þeir jafni tilboðið þar sem þeir hafa nú þegar samið við Quentin Richardson.

Einnig er uppi hugmynd um að Bulls semji við Shaq og nýti mid-level undanþáguna í það.  Ég hef heyrt margt vitlausara en einnig margt gáfulegra og hef litla trú á að það gangi eftir.

Já, það er útlit fyrir þokkalegt tímabil hjá Chicago Bulls með þessu viðbótum auk þess sem nýr þjálfari hefur tekið við taumnum sem miklar vonir eru bundnar við.

Athugasemdir

[Trausti Stefánsson (IP-tala skráð) 14.7.2010 kl. 23:19]

Það að Lebron James hafi ekki gengið til liðs við Chicago fyrst hann var að fara á annað borð er mér óskiljanlegt. Með Lebron í þessu liði erum við komin með uppskriftina að meistaraliði. Þetta byrjunarlið hefði verið of gott til að vera satt og líklega geta orðið það besta sem komið hefur fram frá því Chicago liðið '95-'96 var uppi. Maður hélt að markið þessara manna væri að vinna sem mest. Alvöru menn reyna eftir fremsta megni að sigra helstu andstæðinga sína á vellinum en ganga ekki til liðs við þá. Með þessari ákvörðun sinni var hann að útiloka það að hann verði nokkurn tíman nefndur í sömu andrá og Jordan og Bill Russell, þegar rætt verður um bestu körfuboltamenn allra tíma þó svo að hann hafi alla hæfileikana til þess.

Það má vel vera að það sé fullt að fínum leikmönnum sem séu tilbúnir að spila fyrir skít og kanil til að vera með þeim í Miami og þeir nái að skrapa saman í fínasta lið sem nær jafnvel að vinna einhverja titla. Það breytir því samt aldrei að Lebron mun ekki vinna þessa titla sem KÓNGURINN líkt og Jordan gerði á sínum tíma.

Hvað Chicago varðar þá eru þeir nú alls ekki í svo slæmum málum og maður er alveg að sjá þá vera í topp 4 í austrinu á næstu leiktíð.

[Svenni Claessen (IP-tala skráð) 15.7.2010 kl. 09:04]

Hvað er mid level undanþágan?

[Dóri (IP-tala skráð) 15.7.2010 kl. 11:29]

En hvað segiru um T-Mac í Bulls roumorinn ? Á hann eitthvað eftir í skrokknum? Hann er ekki nema rétt um þrítugt. Chicago liðið þarf augljóslega að bæta við sig alvöru SG. 

Einnig líst mér ekkert á liðið varnarlega eftir að hafa misst sinn besta varnarmann og einn besta varnarmenn deildarinnar í Kirk Hinrich. Ég sé mjög mikið á eftir honum og held að það hafi verið mjög mikil mistök að láta hann fara - LeBron var hvort sem er aldrei að koma.

Að mínu mati er liðið lélegra í dag en það var daginn áður en þeir trade-uðu Ben Gordon. Vissulega gefur Boozer mikið undir körfunni en hann er nú ekki mikill varnarmaður sá auk þess að hann virðist choke-a undir pressu.

Burt með Paxson segi ég og þá er hægt að fara að búa til alvöru lið. 

[Emmcee, 15.7.2010 kl. 12:52]

Mid-level Exception

Once a year, teams are allowed to sign a player to a contract equal to the average NBA salary, even if the team is over the salary cap already, or if the signing would put them over the cap. This is known as the Mid-level exception (MLE). The MLE may be used on an individual free agent or split among multiple free agents, and is available to any team that exceeds the salary cap at the beginning of the offseason. The Mid-Level Exception for the 2008–09 NBA season was $5.585 million. The MLE is $5.854 million for the 2009–10 NBA regular season.

An example would be the Toronto Raptors' acquisition of Jason Kapono during the 2007 off-season, and the Los Angeles Lakers' signing of Ron Artest in 2009.

Af Wikipedia.

[Emmcee, 15.7.2010 kl. 13:01]

Já, mér fannst súrt að missa Hinrich og liðið er ekki það allra besta varnarlega.  Ég er samt ekki alveg jafn svartsýnn.  Bulls leyfðu 99,1 stig í leik í fyrra, 13. best í deildinni (meistarar Lakers í 10. sæti).  Með defensive rating 105,3 skv. Basketball Reference, 11. besta af 30 liðum.  Það hlýtur eitthvað að vera að virka í vörninni hjá þeim miðað við þessar tölur.

Ekki gleyma heldur Noah, sem er að mínu mati fínn varnarmaður. 

[Emmcee, 15.7.2010 kl. 13:27]

Hélt að þetta með T-Mac væri bara hugmynd.  En ef þeim dettur í hug að semja við hann þá má það ekki vera fyrir mikið.  Held að það sé svo sem nóg eftir af skrokknum á honum... held bara að hann sé löngu farinn í hausnum.  Auk þess þarf hann að sætta sig við að spila aukahlutverk í liðinu.

[Emmcee, 15.7.2010 kl. 22:13]

Nýjustu fréttir af T-Mac herma að hann sé langt kominn í viðræðum við Clippers.