Amar'e Stoudemire á leið til New York Knicks

STAT er svo gott sem farinn til New York Knicks, á lokasprettinum að semja til 5 ára fyrir $100 mills.  Þessu frekar til stuðnings hafa Phoenix Suns samið við Hakim Warrick til að fylla í skarðið, fyrir $18 mills til 4 ára.  STAT hafði þar áður hafnað $96 mills frá Suns.  Warrick er þokkalegur framherji sem ekki hefur fengið mikinn sjens í deildinni fram að þessu, með aðeins 19 mín í leik hjá Bulls í fyrra.  Hann á eflaust eftir að blómstra með Steve Nash við hliðina á sér. 

Stoudemire er fer hins vegar til New York Knicks og verður þar aftur undir stjórn Mike D'Antoni, en svo virðist sem þeir hafi grafið stríðsöxina og séu orðnir voða góðir vinir.  STAT segir að nú þurfi Knicks bara að sækja Tony Parker og Carmelo Anthony.  Nú er einnig orðrómur á kreiki að Knicks ætli að senda David Lee frá sér í þriggja liða treidi til að fá Monta Ellis.  Það verður spennandi að sjá hvernig Knicks tekst til við að byggja upp í kringum Stoudemire.

Steve Kerr, fyrrverandi framkvæmdastjóri Phoenix Suns, sagði einnig skilið við liðið í júní eftir að eigandi liðsins hafði farið fram á að hann lækkaði sig í launum, en hann er margrómaður aurapúki.  Allt hlutir sem hafa eflaust spilað inn í ákvörðun Amar'e.

Athugasemdir

[Ómar Ingi, 5.7.2010 kl. 16:08]

Hell Yeah

[Jason Orri (IP-tala skráð) 5.7.2010 kl. 16:58]

Þetta verður rosalegt! Bulls verða KANNSKI með LeBron James, Dwyane Wade eða Chris Bosh. Vona að Wade komi og þá geti Bulls náð sér í góðan PF eins og Boozer eða David Lee