Rasheed Wallace er mættur í vinnuna

'Sheed nennir ekkert að standa í þessari deildarkeppni.  Hann kom til Boston til að taka þátt í úrslitakeppninni:

‘This is why I came here,’ he said last night after the Celtics’ series-clinching 94-85 win over Cleveland in Game 6 of the Eastern Conference semifinals. ‘I didn’t come here for the regular season.’

Þetta er svo mikill nagli.  Veður eflaust ekkert í vitinu en hann er með skapið í lagi og hann nennir að berja Dwight Howard sundur og saman.  Í fyrsta leiknum gegn Orlando í úrslitum Austurdeildarinnar mætti 'Sheed eins og handrukkari í teiginn í baráttuna gegn D-12 og hafði betur.  Howard átti slæman leik í sókninni með aðeins 13 stig, 3/10 og 7 tapaða bolta, á móti 21 stigi og 84% nýtingu í einvíginu gegn Hawks.  Þurfum ekkert að fjölyrða hvers vegna þessi stórkostlegi munur er þarna á.  Varnarleikur!  Enginn hjá Atlanta, geðveikur hjá Boston. 

Wallace og Perkins skiptust á að lemja Howard eins og harðfisk en Wallace uppskar t.d. aðeins 4 villur og þar af eina tæknivillu þannig að Superman er ekki að fá mikla ást frá dómurum þessa dagana þó hann hafi farið 12 ferðir á línuna.  Eða eru bara öldungarnir í Boston góðir í að pakka saman svona pappakössum sem er búið að hæpa upp í himingeim en standa ekki undir væntingum þegar kemur að úrslitakeppninni. 

Howard virðist ekki hafa andlegan styrk til að takast á við svona barsmíðar því hann bognaði algerlega undan álaginu í þessum leik.  Að mínu mati þarf maður sem kallar sig Superman að girða sig oní brók og mæta andlega reiðubúinn í annað slugfest á þriðjudaginn í leik 2.

Annars hef ég nýfengna virðingu aftur fyrir Boston Celtics liðinu sem er að spila eins og vel smurð maskína með Rajon Rondo við stýrið.  Nema hvað ég þoli ekki Paul Pierce og mun sennilega alltaf gera það. 

Athugasemdir

[Paul Pierce (IP-tala skráð) 18.5.2010 kl. 13:44]

I'm the man

[Emmcee, 18.5.2010 kl. 15:19]

http://www.youtube.com/watch?v=WfQUuYY87fA