Elbow-gate

Það var lítill meistarabragur á Cleveland Cavaliers í öðrum leik þeirra í undanúrslitum austurdeildarinnar gegn Boston Celtics, þar sem þeir uppskáru 18 stiga tap á eigin heimavelli.  Olnbogameiðsl LeBron James (eða Elbow-gate eins og Reggie Miller af einhverju orsökum gat ekki sagt nógu oft í útsendingunni) virðast vera meiri en látið var uppi því drengurinn var aðeins skugginn af sjálfum sér í þessum leik, þó tölfræðin líti ekki svo skelfilega út (24 stig, 7/15, 7 fráköst og 4 stoðsendingar).  Ef einhver er enn í vafa um hvers vegna LeBron James var valinn Most Valuable Player ætti sá hinn sami að horfa betur á þennan leik.  Ef King James er ekki í búning eða að spila eins og hinir venjulegu mennirnir í þessu liði, þá geta þeir ekkert.  Sást einnig best í síðustu leikjum deildarkeppninnar þegar LeBron hvíldi og leikur liðsins féll um nokkra klassa. 

Ég get tekið undir með NBA Íslandi að Boston liðið hangir á bakinu á Rajon Rondo og fer ekki lengra en hann kemur því.  13 stig og 19 stoðsendingar var framlag hans í leikinn og jafnaði hann þar með félagsmet Celtics í stoðsendingum í einum playoffs leik.  Miklu munaði einnig um stóra þrista frá Rasheed Wallace snemma í leiknum, en Doc Rivers hafði nýverið sagt að hann væri búinn að slaka nóg á og nú væri kominn tími til að vinna fyrir kaupinu sínu.

Nú þarf James að setja ollarann í ís, fá sterasprautu eða fara í nálastungu því eitthvað verður að gera ef þeir ætla ekki að fara snemma í frí.

Athugasemdir

[Kobe 8 (IP-tala skráð) 4.5.2010 kl. 20:33]

Ertu að grínast gemli?? Nothin wrong with his elbow! Hann átti bara ekki góðan dag!

Og Boston eru ekkert að grínast!

[Emmcee, 4.5.2010 kl. 20:41]

Það hlýtur eitthvað að vera að honum því gaurinn var alveg eins og kleina þarna inni á vellinum í seinni hálfleik.  Aldrei séð annað eins hjá honum.   Þorði varla að körfunni og missti boltann frá sér ítrekað í tómu klúðri.