David Lee er vanmetnasti leikmaður NBA deildarinnar

David Lee var samningslaus í nánast allt sumar þar til stjórnendur New York Knicks buðu honum $7 milljónir í eitt ár.  Ég man ekki til þess að hann hafi verið í viðræðum við neitt annað lið að einhverju ráði á þessum tíma.  Nokkuð sem mér fannst nánast óskiljanlegt á þessum tíma.

Það er ekki mikið flash í kringum þennan strák, en hann er með alla fundamental þætti leiksins á tæru og gott betur.  Lee hefur sýnt ótrúlegar framfarir á undanförnum árum.  Bætt meðalskorið sitt nánast ár frá ári um 4-5 stig á ári, nánast alltaf með um 10 fráköst í leik (að undanskyldu nýliðaárinu hans).  Career meðaltölin hans eru 12,8 stig og 9,6 fráköst ásamt 56% nýtingu.  Leiddi deildina í double-doubles í fyrra.  Þetta tímabil hefur verið hans besta á ferlinum með yfir 20 stig að meðaltali 11,9 fráköst. 

Það útskýrir þó eitthvað að Lee var svo óheppinn í fyrra að lenda með lausan samning ári fyrir eitt mesta free-agent hlaðborð sem sést hefur í sögu deildarinnar:  Joe Johnson, Joe Smith, Ray Allen, LeBron James, Shaquille O'Neal, Drew Gooden, Marcus Camby, Jermaine O'Neal, Dwyane Wade, Chris Bosh, Carlos Boozer verða allir unrestricted free agents í sumar.  Amar'e Stoudemire hefur early-termination-option á samningi sínum og búast flestir við að hann láti reyna á markaðinn líka.  Það er því mikið úrval og liðin á neðri enda töflunnar hafa í óða önn verið að hreinsa til í launaskrá sinni til að vera tilbúnir með haug af seðlum til að bjóða þessum snillingum í sumar. 

David Lee verður í þessum hóp og trúi ég ekki öðru en að eitthvað lið þarna úti negli þennan snilling á langtíma samning.  Á föstudaginn bætti hann einni fjöður í hatt sinn með því að setja 37 stig, rífa niður 20 fráköst og gefa 10 stoðsendingar.  Ekki amarleg þrenna þar, en aðeins tveir aðrir leikmenn í sögu NBA deildarinnar hafa unnið slíkt afrek (þe. meira en 35-20-10):  George McGinnis og Kareem Abdul-Jabbar.

Athugasemdir

[Trausti Stefánsson (IP-tala skráð) 4.4.2010 kl. 14:13]

Maður hefur nú lært það af fenginni reynslu að það má alltaf lækka allar meðaltalstölur um ca. 15-20% hjá leikmönnum sem hafa spilað hjá Mike D' Antoni. Engu síður er þetta mikill toppmaður sem er í miklu áliti hjá manni.