Brandon Jennings hefur betur í einvíginu við Tyreke Evans

Tveir af topp 3 nýliðum þessa árs mættust á föstudaginn í mögnuðum leik.  Jennings hafði betur í þetta skiptið og lið hans einnig, þar sem Bucks unnu eftir tvær framlengingar.  Jennings smellti niður hvorki meira né minna en átta þristum úr þrettán tilraunum, og endaði með 35 stig.  Bara rétt til að minna fólk á að keppninni um nýliða ársins er ekki lokið.  Jennings hefur enn tækifæri til að láta ljós sitt skína þar sem Evans verður nú frá leik í viku eftir ollara frá Tyrkjanum Ersan Ilyasova.

Það hefur verið frábært að fylgjast með öllum þessu mögnuðu bakvörðum sem komu í deildina fyrir þetta tímabil.  Evans, Jennings og Curry, hver sem valinn verður, eru allir nöfn sem vert er að fylgjast með í framtíðinni.  Ekki má heldur gleyma Darren Collison hjá New Orleans Hornets sem heldur betur hefur sýnt magnaðan leik eftir að Chris Paul datt úr leik vegna meiðsla stuttu eftir áramót.