Jason Kidd er ótrúlegur leikmaður

Ekki nóg með að vera 37 ára að spila á móti 23 ára guttum, heldur spilar hann hvorki meira né minna en 46 mínútur gegn Atlanta Hawks um daginn í framlengdum leik.  Skilar 19 stigum, 16 fráköstum og 17 stoðsendingum í hús og tekst með ótrúlegri kænsku að fiska tæknivillu á Mike Woodson, þjálfara Hawks.  Ekki jafn snöggur í hreyfingum eins og áður en snöggur er hann að hugsa og nýta sér öll tækifæri.  Þeir sem eru að velta því fyrir sér hvað Basketball IQ er, ættu að horfa á þetta aftur og aftur.

Jason Kidd er ekki tignarlegasti leikmaðurinn inn á vellinum og hreyfingar hans eru orðnar ansi stirðbusalegar, en hann skilar tölum sem á ekki að vera mögulegt að ná af manni á hans aldri.