NBA molar

Blake Griffin þarf aðra skurðaðgerð sem verður til þess að hann mun ekkert spila meira á þessu tímabili.

Gilbert Arenas safnaði byssum eins og President safnar skóm.

Hver skyldi nú hafa verið valinn mesti trash-talkerinn í deildinni?  Ég er alla vega ekki hissa.

Miami Heat hafa opinberað sín plön fyrir næsta sumar:  Reyna að ná LeBron James með lausan samning, eða jafnvel Bosh eða Stoudamire - en forgangsatriði nr. 1 er að tryggja D-Wade áfram í liðinu.

Dime Magazine velur 5 mestu íþróttamenn NBA deildarinnar. 

Hvað gerðist hjá Brandon Jennings eftir 55 stiga leikinn?!

Nonni hjá Karfan.is fer hamförum í yfirdrulli á NBA deildina í leiðara á síðunni.  Nokkur atriði sem mig langar að benda Nonna á þar sem þeir leyfa ekki athugasemdir á greinunum sínum:  a) NBA deildin er aðalstarf þessarra leikmanna og því fullkomlega eðlilegt að þeir vilji einbeita sér að því en ekki taka þátt í landsliðsstarfi sinna landa.  b) Lið NBA deildarinnar greiða leikmönnum sínum himinhá laun og ætti því ekki að teljast óeðlilegt að menn spili marga leiki til að vinna fyrir þeim.  Tekjur þurfa að skila sér inn í miðasölu.  c) Sigurvegarar NBA deildarinnar eru titlaðir "NBA World Champions" af þeirri einföldu ástæðu að þetta er stök deild og leikmenn eru hvaðanæva úr heiminum.  Plön Sterns um að expanda til annarra landa í heiminum eru fullkomnlega réttlætanlegar og einnig kröfur um staðla og aðbúnað leikhalla.  Þannig er ekki hægt að fullyrða að sum lið vinni vegna þess að hallir þeirra eru betri eða erfiðari að spila í.  Róaðu þig aðeins niður, félagi.

Athugasemdir

[Kobe 8 (IP-tala skráð) 15.1.2010 kl. 14:31]

Þessi nonni er bara fullur af skít!

Svo er það IR vs kr í kvöld!!!!

[Ómar Ingi, 15.1.2010 kl. 14:35]

Hressandi lestur

[Grétar (IP-tala skráð) 15.1.2010 kl. 15:52]

d) Kaninn kallar sig ekki "The Dream team". Liðin á ÓL '92 og '96 voru kölluð Dream teams því þau höfðu geysilega yfirburði. Ekki liðið 2004 og ekki Bandaríkin yfirhöfuð..

[Pétur Ingi (IP-tala skráð) 15.1.2010 kl. 18:54]

Fannst þessi frétt ótrúlega kjánaleg hjá körfumönnum.

[President (IP-tala skráð) 15.1.2010 kl. 23:46]

Þetta er einhver sú alslakasta grein sem ég hef lesið.

Gaurinn að missa sig af því að þessir kallar nenna ekki að spila fyrir landsliðið sitt. 

Senda félaganum túrtappa og skeinipappír.

[Siggi (IP-tala skráð) 16.1.2010 kl. 11:21]

Þessi Nonni er full ákafur í yfirdrullinu eins og þú bendir á. En hann bendir samt á vissa punkta sem að mínu mati eru réttir. Ég er heldur ekki sammála þér Emmcee með margt af því sem þú segir.

Þú segir a) NBA deildin er aðalstarf þessarra leikmanna og því fullkomlega eðlilegt að þeir vilji einbeita sér að því en ekki taka þátt í landsliðsstarfi sinna landa.

Vissulega er nba deildin aðalstarf þessara manna. En afhverju er ekki hægt að samþætta við landsliðin eins og er gert í fótbolta og handbolta? Þar eru leikmenn í aðalstarfi hjá félagsliðum sínum en hafa metnað og tækifæri til þess að spila fyrir land sitt.

Þú segir b) Lið NBA deildarinnar greiða leikmönnum sínum himinhá laun og ætti því ekki að teljast óeðlilegt að menn spili marga leiki til að vinna fyrir þeim.  Tekjur þurfa að skila sér inn í miðasölu.

Rétt hjá þér, þeir eru á háum launum. En það eru líka til að mynda leikmenn í bestu knattspyrnudeildum evrópu, en þeir þurfa ekki að spila jafn mikið af leikjum (munar reyndar kannski ekki gríðarlega miklu)

Þú segir c) Sigurvegarar NBA deildarinnar eru titlaðir "NBA World Champions" af þeirri einföldu ástæðu að þetta er stök deild og leikmenn eru hvaðanæva úr heiminum.

Já hún er stök. En það að leikmenn séu haðanæva úr heiminum eru frekar veik rök. Þetta á við um svo margara aðrar deildir í öðrum íþróttum. Held að ég geti fullyrt að það séu fulltrúar fleiri þjóða í ensku úrvalsdeildinni (í fótbolta) heldur en í NBA (ætla samt ekki að sverja fyrir það)

En þrátt fyrir skiptar skoðanir um mikilmennskubrjálæði eða eitthvað annað er NBA gríðarleg skemmtun og stendur líklega öðrum deildum framar í gæðum köruknattleiks.

[Emmcee, 16.1.2010 kl. 13:21]

Takk fyrir góða punkta Siggi. 

a)  Tökum okkur nærtækt dæmi.  Ef samþættingin og metnaðurinn er svona mikill í fótboltanum, hvers vegna tekur þá okkar besti og mikilvægasti landsliðsmaður, Eiður Smári, ekki þátt í öllum leikjum sem landsliðið leikur?  Ég skil vel áhyggjur bæði leikmanna og deildarliða á því að þeir taki þátt í landsleikjum.  Lakers misstu nú Gasol góðan slatta af upphafi deildarinnar í haust vegna meiðsla með landsliði Spánar.  Liðin fjárfesta miklum fjármunum í þessa leikmenn og vilja þá heila í þeim leikjum sem þeir leika fyrir þau.

b)  Fótbolti og körfubolti eru ekki mjög samanburðarhæfir í þessum skilningi að mínu mati.  Í körfubolta má skipta óendanlega oft leikmönnum inn og út af vellinu á meðan fótboltaþjálfarar hafa takmarkaðan og jafnframt lítinn fjölda skiptinga.  Í fótbolta þurfa flestir að spila allar 90 mínúturnar á meðan lykilleikmenn í körfubolta spila allt frá 30-38 mínútur að meðaltali.

c)  Það má alveg deila um hrokann í NBA deildinni að taka sér þennan "world champion" titil.  Í dag finnst mér þessi titill viðeigandi þó mér hafi fundist hann dálítið hrokabullur fyrir 15-20 árum, þegar NBA deildin var nánast algerlega local í USA.  Deildin opnaði þetta tímabil með 83 leikmönnum frá öðrum löndum en USA.  Það er um 20% af heildarleikmannafjölda deildarinnar, eða um 3 leikmenn í hverju liði (ef við gefum okkur 15 manna roster í hverju liði).  Ég veit ekki hvert hlutfallið er í enska boltanum, eflaust töluvert hærra - en það er samt töluvert lengri hefð fyrir því að erlendir leikmenn sæki í ensku deildina en NBA.

[Ragnar Már (IP-tala skráð) 17.1.2010 kl. 02:05]

Rólegir kappar að tala um ensku deildina eins og hún sé einhver yfirburðardeild í fótboltaheiminum. NBA deildin er það hinsvegar. Að kalla sig NBA World Champions er kannski hroki, en eru menn of blindir til að sjá raunsæið í þessu?

Skil samt þessa vælugrein hjá Nonna engan veginn. Voru ekki flestir þeir bestu samankomnir í Peking?

Mér finnst frábært að deildin sé í hálft ár og að hvert og eitt lið spili 82 leiki. Hver morgun hjá mér byrjar með því að kíkja á NBA úrslitin og skoða highlights, algjör hefð sem ég vil ekki skipta út svo ég geti horft á eitthvað skitið HM. Fjöldi leikja auðveldar manni líka að komast á leiki :)

Sama hvort leikirnir eru snemma á tímabilinu eða seinna þá er þessi körfubolti á hærra plani en flestum stöðum í heiminum.

Að lokum, þá er engan veginn hægt að bera þetta saman við aðrar deildir í heiminum, né aðrar íþróttir (menn að tala um hand- og fótbolta). Hérna eru 30 lið sem spila í íþróttahöllum sem taka 17-22þús manns.