Dominique Wilkins fimmtugur í dag

Einn af mínum uppáhaldsleikmönnum, The Human Highlight Film, Dominique Wilkins er fimmtugur í dag, en hann lék lengst af með Atlanta Hawks.  Wilkins er einn af fjölmörgum frábærum leikmönnum NBA deildarinnar sem aldrei átti séns á titli, en skilur þó eftir sig mikla arfleifð afreka og var tekinn inn í frægðarhöllina 2006.  Hann er þó einna helst þekktastur fyrir svakalegt safn af troðslum á sínum ferli.

Wilkins háði mikla rimmu við Larry Bird og félaga í Boston Celtics í undarúrslitum austurdeildarinnar 1988 þar sem Hawks töpuðu í 7 leikjum.  Hawks töpuðu sjöunda leiknum með aðeins 2 stigum þar sem Wilkins skoraði 47 stig á móti 34 stigum frá Bird.  Bird ætlaði greinilega ekki að tapa þessum leik þar sem hann setti 20 stig í fjórða leikhluta og kláraði dæmið fyrir Boston.

Wilkins átti sitt besta tímabil þetta tímabil, skoraði 30,7 stig að meðaltali í deildarkeppninni en það afrek féll þó í skuggann á Michael nokkrum Jordan sem setti hvorki meira né minna en 35 að meðaltali.  Ekki nóg með það heldur tapaði Wilkins einnig fyrir honum í úrslitum troðslukeppninnar það árið þar sem Jordan flaug frá vítalínunni í einni troðslunni til að klára einhverja svakalegustu troðslukeppni allra tíma.

Athugasemdir

[Krissi (IP-tala skráð) 13.1.2010 kl. 15:01]

Mikill meistari þarna á ferð, alltaf í öðru sæti hjá mér á eftir kónginum

[President (IP-tala skráð) 13.1.2010 kl. 16:48]

Já það er rétt Krissi. Hann er næstur Magic Johnson - tek undir það.