Tyreke Evans er í góðum félagsskap

Vinir mínir á Hardwood Paroxysm blogginu settu nýverið inn query á Basketball Reference þar sem þeir vildu sjá hvaða leikmenn í NBA deildinni hefðu náð meira en 20 stigum, 5 fráköstum, 5 stoðsendingum og 1 stolnum bolta að meðaltali á sínu fyrsta ári.  Niðurstöðurnar koma vægast sagt á óvart, en það koma aðeins þrír leikmenn til greina:  Michael Jordan, LeBron James og Tyreke Evans.

Reke er vissulega aðeins hálfnaður með sitt nýliðaár en þó með frábærar tölur það sem af er.  Það eina sem mögulega gæti hindrað hann í að landa ROY verðlaununum væri ef Blake Griffin kæmi tvíefldur til baka úr meiðslunum og væri óstöðvandi á seinni hluta tímabilsins (sem ég er ekki að sjá gerast).